ရန်ကုန်တိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၏ ညွှန်ကြားချက်အရ ကော့မှူးမြို့နယ်အတွင်းရှိ ဒေသခံပြည်သူများအနေဖြင့် အလှကုန်ပစ္စည်းများ ဝယ်ယူအသုံးပြုရာ၌ ဘေးအန္တရာယ်ကင်းရှင်းစေရေးနှင့် စနစ်တကျဝယ်ယူအသုံးပြုနိုင်စေရေးရည်ရွယ်၍ ၂၀၂၃ခုနှစ်၊ အောက်တိုဘာလ ၉ရက်နေ့၊ နံနက် (၉း၃၀)နာရီအချိန်တွင် မြို့မစည်ပင်သာယာဈေးအတွင်း/ အပြင်နှင့် ရပ်ကွက်များရှိ အလှကုန်ပစ္စည်းအမျိုးမျိုးဖြန့်ဖြူးရောင်းချနေသည့်ဆိုင်များသို့ တာဝန်ရှိသူများသွားရောက်၍ ဈေးကွက်စောင့်ကြည့် ကွင်းဆင်းစစ်ဆေးခဲ့ကြပါသည်။
ထိုသို့ ဈေးကွက်အတွင်း ကွင်းဆင်းရာတွင် မြို့နယ်စည်ပင်သာယာရေးဦးစီးဌာနမှ ဈေးတာဝန်ခံနှင့်ဝန်ထမ်းများ၊ မြို့နယ်ကျန်းမာရေးဦးစီးဌာနမှ တာဝန်ရှိသူများ၊ မြို့နယ်စားသုံးသူ ရေးရာဦးစီးဌာနမှ မြို့နယ်တာဝန်ခံနှင့် ပူးပေါင်းအဖွဲ့က ကော့မှူးမြို့နယ်၊ စည်ပင်သာယာမြို့မဈေးအတွင်း/အပြင်ရှိ အလှကုန်ပစ္စည်းအရောင်းဆိုင်များသို့သွားရောက်ခဲ့ပြီး လုပ်ငန်းရှင် များနှင့်တွေ့ဆုံကာ အလှကုန်ပစ္စည်းအမျိုးမျိုးတို့အား ဈေးကွက်အတွင်း ဖြန့်ဖြူးရောင်းချရာတွင် သုံးစွဲသူပြည်သူများဘေးအန္တရာယ်ကင်းရှင်းစေရေးနှင့် ထုတ်ကုန်လုံခြုံစိတ်ချရမှုရှိစေရေးတို့ အတွက် စံချိန်စံညွှန်းများနှင့်ကိုက်ညီမှုမရှိသောအလှကုန်ပစ္စည်းများ၊ ကုန်အညွှန်းအမှတ်အသားဖော်ပြချက်ပြည့်စုံစွာဖော်ပြပါရှိခြင်းမရှိသော အလှကုန်ပစ္စည်းများ၊ သက်တမ်းလွန်နေသော အလှကုန်ပစ္စည်းများရောင်းချခြင်းမပြုစေရေးနှင့် သက်ဆိုင်ရာဌာနများမှတားမြစ်ထားသော အလှကုန်ပစ္စည်းများကို မိမိတို့၏ဆိုင်များတွင် လုံးဝရောင်းချဖြန့်ဖြူးခြင်းများမပြုလုပ်စေရေး လုပ်ငန်းရှင်များသိရှိလိုက်နာဆောင်ရွက်သွားကြရန်နှင့် စားသုံးသူကာကွယ်ရေးဆိုင်ရာသိကောင်းစရာများကို အကြံပြုဆွေးနွေးခဲ့ပြီး ကွင်းဆင်းစစ်ဆေးအသိပညာပေးခဲ့ကြောင်း သိရှိရပါသည်။
DOCA(ရန်ကုန်)