စားသုံးသူရေးရာဦးစီးဌာန၊ အနောက်ပိုင်းခရိုင်ဦးစီးမှူးရုံးမှ ဝန်ထမ်းများသည် ၂၀၂၃ခုနှစ်၊ ဒီဇင်ဘာလ ပထမပတ်တွင် အနောက်ပိုင်းခရိုင်အတွင်းရှိဈေးများဖြစ်သော လှိုင်မြို့နယ်၊ အုတ်ကျင်းဈေး၊ လှိုင်ရတနာဈေးနှင့် လှိုင်ဈေးကြီး၊ မရမ်းကုန်းမြို့နယ်၊ ကမ္ဘာအေးဈေးတို့တွင် စားသုံးဆီများ၌ ကုန်အညွှန်းအမှတ်အသားများပြည့်စုံစွာပါဝင်မှုရှိ/မရှိနှင့် စားအုန်းဆီဈေးနှုန်းများ သတ်မှတ်ဈေးနှုန်း အတိုင်းရောင်းချမှုရှိ/မရှိတို့ကို ကွင်းဆင်းစစ်ဆေးခဲ့ပြီး ဆီရောင်းချသောဆီကိုယ်စားလှယ်များအား ဝယ်ရင်းဈေးထက် (၂) ရာခိုင်နှုန်းထက်မပိုသောဈေးနှုန်းဖြင့် စားသုံးသူလက်ဝယ်သို့ရောင်းချရန် အသိပညာပေးဟောပြောခဲ့ပြီး ကော်ဖီမစ်၊ ခေါက်ဆွဲခြောက်၊ စည်သွပ်ဘူးမျိုးစုံတို့၌ ပါရှိရမည့်အချက်များပါဝင်မှုရှိ/မရှိတို့ကိုကွင်းဆင်းစစ်ဆေး၍ ကုန်ပစ္စည်းရောင်းချသော စီးပွားရေးလုပ်ငန်းရှင်များက စားသုံးသူပြည်သူများ ကုန်ပစ္စည်းများကို မဝယ်ယူမီအချိန်တွင် ကုန်ပစ္စည်း၏သတင်းအချက်အလက်များကို တိကျမှန်ကန်စွာအသိပေးပြောကြားပေးရန်လိုအပ်ကြောင်း အသိပညာပေးဟောပြောခဲ့ကြောင်းသိရှိရပါသည်။
DOCA(ရန်ကုန်)