စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့် ခရိုင်ဦးစီးမှူးတို့၏လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ဒုတိယခရိုင်ဦးစီးမှူးနှင့်ဝန်ထမ်းများသည် စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေတွင်ပြဋ္ဌာန်းထားသည့် ကုန်အညွှန်းအမှတ်အသားဖော်ပြချက်များကို သိရှိလိုက်နာဆောင်ရွက်တတ်လာစေရန်၊ စားသုံးသူများအနေဖြင့် ကုန်စည်များကိုဝယ်ယူအသုံးပြုရာ၌ စိတ်ချယုံကြည်မှုရရှိလာစေရန်တို့အတွက် (၁၅-၁၂-၂၀၂၃)ရက်နေ့၊ နံနက် (၀၉:၃၀)နာရီအချိန်တွင် ဒေသတွင်းထုတ်လုပ်လျက်ရှိသော မြေပဲဆားလှော်၊ ပဲပွကြော်၊ ကြက် အရေခွံကြော်၊ မုန့်ကျိုးလိမ်လုပ်ငန်းရှင်များအား အသိပညာပေးဆွေးနွေးခဲ့ပါသည်။
ဆက်လက်၍ ဒုတိယခရိုင်ဦးစီးမှူး ဦးဇော်ထွန်းဦးက လုပ်ငန်းရှင်များအား စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များ၊ ကုန်အညွှန်းအမှတ်အသားဖော်ပြခြင်းနှင့် ပတ်သက်သည့် ဥပဒေပြဋ္ဌာန်းချက်များ၊ စီမံခန့်ခွဲရေးနည်းလမ်းအရ အရေးယူခြင်း၊ တားမြစ်ချက်များ၊ ပြစ်မှုနှင့်ပြစ်ဒဏ်များအကြောင်းတို့ကို သိရှိလိုက်နာစေရန်ဆွေးနွေးခဲ့ပြီး စားသုံးသူပြည်သူများအတွက် ကုန်စည်(သို့)ဝန်ဆောင်မှုနှင့်စပ်လျဉ်း၍ ဘေးအန္တရာယ်ကင်းရှင်းစေရေးနှင့် ထုတ်ကုန်များလုံခြုံစိတ်ချရမှုရှိစေရေးတို့ကို ဆောင်ရွက်နေရုံသာမက နစ်နာဆုံးရှုံးမှုများအတွက် စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ (CICC)ဖွင့်လှစ်ထားရှိမှုများအကြောင်း အကျယ်တဝင့်ဆွေးနွေးခဲ့ပါသည်။
၎င်းနောက် စားသုံးသူရေးရာဌာနခွဲတာဝန်ခံ ဒေါ်နွယ်နွယ်အေးက မိမိတို့ဌာနသည် စီးပွားရေးလုပ်ငန်းရှင်များကိုသာ အသိပညာပေးခြင်းမဟုတ်ဘဲ စာသင်ကျောင်းများ၊ ကျေးရွာနေပြည်သူ လူထုများ၊ ဌာနဆိုင်ရာများ၊ အသင်းအဖွဲ့ စသည့တို့အား ကုန်အညွှန်အမှတ်အသားနှင့် လုံခြုံစိတ်ချရမှုရှိနိုင်မည့်စားသောက်ကုန်များကို ရွေးချယ်ဝယ်ယူတတ်စေရန် အကျယ်တဝင့်ဆွေးနွေးပေးခဲ့ကြောင်း၊ ထုတ်လုပ်သူများအနေဖြင့် အခန်း(၁၈)ပါ ကုန်အညွှန်းအမှတ်အသားဖော်ပြချက်မှာ အရေးကြီးသောကြောင့် လိုက်နာဆောင်ရွက်စေလိုကြောင်း အသေးစိတ်ဆွေးနွေးခဲ့ပြီး စားသုံးသူအသိပညာပေးလက်ကမ်းစာစောင်များဖြန့်ဝေပေးခဲ့ကြောင်းသိရှိရပါသည်။
DOCA(မကွေး)