![](http://www.doca.gov.mm/sites/default/files/styles/consumer_inner_image__847x424_/public/ဆီးသီး_2.jpg?itok=7qAl2k9z)
ကျောက်ဆည်ခရိုင်၊ စဉ့်ကိုင်မြို့နယ်သည် စိုက်ပျိုးရေးနှင့်မွေးမြူရေးကိုအဓိကထား လုပ်ကိုင်ကြသော်လည်း ဒေသခံတောင်သူများသည် နှစ်ရှည်သီးနှံဖြစ်သော ဇီးပင်စိုက်ပျိုးခြင်းလုပ်ငန်းကိုလည်း ယာမြေနှင့် ဥယျာဉ်ခြံမြေများတွင် အများအပြားစိုက်ပျိုးလာကြပါသည်။ ဇီးပင်စိုက်ပျိုးရာတွင် ကိုင်းကူးပျိုးပင်များကိုသာ အများဆုံးစိုက်ပျိုးကြပြီး အလုံးကြီးပြီး အရည်အသွေးကောင်းမွန်၍ အရသာရှိသော ထိုင်ဝမ်ဇီးသီးမျိုးများကိုသာ အများဆုံးစိုက်ပျိုးလာကြပါသည်။ ဇီးပင် စိုက်ပျိုး ရာတွင် တစ်ပင် နှင့် တစ်ပင် (၁၅)ပေခြား စိုက်ပျိုးကြကြောင်း ၊ တစ်ဧက ပျိုးပင်(၁၀၀)စိုက်ပျိုးရပြီး စတင် စိုက်ပျိုးသည့်အချိန်မှ(၂-၃)နှစ်ခန့်အကြာတွင် ဇီးသီးများ စတင်ခူးခွတ်ရပါသည် ။ ထိုင်ဝမ်ဇီးသီးများသည် နိုဝင်ဘာလတွင် စတင်ထွက်ရှိပြီး ယခုအချိန်တွင် လှိုင်လှိုင် ထွက်ပေါ်နေပြီဖြစ်ကြောင်း ၊ ထိုင်ဝမ်ဇီးသီး ပေါ်ဦးပေါ်စအချိန်တွင် စျေးကောင်းများရရှိပြီး ယခု လှိုင်လှိုင်ထွက်ပေါ်ချိန်တွင် ဖောက်သည်ဈေးအနေဖြင့် ဇီးသီး(၁၀)ပြည်ပါ တစ်ဖာလျှင် အလုံးအကြီးအသေးပေါ်မူတည်၍ (၁၈၀၀၀ မှ ၂၀၀၀ဝိ/-)ကျပ်အထိဈေးရှိပြီး လက်လီဈေးနှုန်းအနေဖြင့် ထိုင်ဝမ်းဇီးသီးတစ်ပြည်လျှင် အလုံးကြီး(၂၀၀ဝိ/-)ကျပ် ၊ အလုံးသေး(၁၅၀ဝိ/-)ကျပ်ဈေးဖြင့် ရောင်းချလျက်ရှိကြောင်း ၊ တစ်ပတ် ခူးဆွတ်မှုအနေဖြင့် (၁၀)ပြည်ပါ ဖာ(၂၅ မှ ၃၀)အထိရရှိပြီး ယိုစုံလုပ်ငန်းရှင်များမှာလည်း ဇီးခြံအထိ လာရောက်၍ဝယ်ယူလျက်ရှိကြောင်း ၊ ယခုနှစ်တွင် မိုးရွာသွန်းမှုကောင်းမွန်သောကြောင့် ထိုင်ဝမ်ဇီးသီးများ အရည်အသွေးလှ၍ အလုံးကြီးပြီး အထွက်နှုန်းကောင်းမွန်သည့်အပြင် အရောင်းအဝယ်သွက်၍ ဈေးကောင်းရရှိပြီး အကျိုးအမြတ်အနေဖြင့် အထွက်နှုန်းနှင့် စျေးနှုန်းပေါ်မူတည်ပြီး အကျိုးအမြတ်များရရှိကြောင်းကို ဇီးသီးစိုက်ပျိုးသူ တောင်သူတစ်ဦး၏ ပြောပြချက်အရ သိရှိရပါသည်။
DOCA(မန္တလေး)