ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်ဦးစီးမှူးရုံးမှ ဦးခိုင်လွမ်းမိုးနှင့်ဝန်ထမ်းများသည် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီဌာနှင့်ပူးပေါင်း၍ (၇-၂-၂၀၂၄)ရက်နေ့၊ နံနက်(၁၀:၀၀)နာရီအချိန်တွင် ထီကွေ့(အ.မ.က)ကျောင်းရှိ ကျောင်းသား/ ကျောင်းသူ/ ဆရာ/ဆရာမ (၁၆၂)ဦးအား စားသုံးသူကာကွယ်ရေးအသိပညာပေးဟောပြောခဲ့ကြသည်။
အဆိုပါဟောပြောပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနက ကလေးငယ်များအတွက် စာကြည့်တိုက်ထားရှိ၍ စာဖတ်ခြင်းနှင့် ပန်းချီကာတွန်းရေးဆွဲခြင်းအကြောင်းကို ပညာပေးဆောင်ရွက်ခြင်း၊ စားသုံးသူရေးရာဦးစီးဌာနမှ ကလေးငယ်များအနေဖြင့် အစားအစာများကိုဝယ်ယူစားသောက်ရာတွင် ရွေးချယ်ဝယ်ယူစားသောက်တတ်စေရန်၊ ကုန်ဆုံးရက်စွဲကြည့်ရှု၍ ဝယ်ယူရန်၊ ဘေးအန္တရာယ်ရှိသော ဆိုးဆေးများပါရှိသည့်မုန့်များကို ဝယ်ယူစားသောက်ခြင်းမပြုရန်နှင့်၊ FDA ကတားမြစ်ထားသော မုန့်များကိုစားသောက်ခြင်းမပြုကြရန် ကုန်အညွှန်အမှတ်အသားဖော်ပြခြင်းနှင့်စပ်လျဉ်း၍ ဥပမာပေးကာ ကလေးငယ်များအား စားသုံးသူကာကွယ်ရေးဆိုင်ရာ အသိပညာများပေးအပ်ခဲ့ကြောင်းသိရှိရပါသည်။
DOCA(ဧရာဝတီ)