စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်ချက်အရ စားသုံးသူများအားလုံးသည် ကုန်စည်နှင့်ဝန်ဆောင်မှုများကိုဝယ်ယူအသုံးပြုရာတွင် ဘေးအန္တရာယ်ကင်းရှင်းစွာသုံးစွဲနိုင်ရေးအတွက် ခရိုင်အတွင်းထုတ်လုပ်လျက်ရှိသော ကုန်စည်များနှင့်စပ်လျဉ်း၍ အာမခံချက်ပေးခြင်းနှင့် ကုန်အညွှန်းအမှတ်အသားများပြည့်စုံမှန်ကန်စွာဖော်ပြမှုရှိစေရေးရည်ရွယ်၍ ဆောင်ရွက်လျက်ရှိရာ ပြည်ခရိုင်အတွင်း ၂၀၂၄ခုနှစ်၊ ဇန်နဝါရီလအတွင်း ပြည်မြို့၊ နဝင်းရပ်ကွက်၊ ဖိုးခေါင်ကွက်သစ်နှင့် ချောင်းနားတန်းရွာထိပ်ရှိ ရွှေပြည့်မြေပဲခွဲစက်၊ ရွာဘဲရပ်ကွက်၊ ဗိုလ်ချုပ်လမ်းရှိ ဦးဝေလင်းဆီစက်၊ နဝဒေးရပ်ကွက်ရှိ ဦးချစ်ကိုကို၏ ဆန်မရွေးလုပ်ငန်းတို့သို့လည်းကောင်း၊ ရွှေတောင်မြို့၊ တည်ကုန်းတောင်ပိုင်းရှိ သရဖူဆန်စက်နှင့် ဝိသာခါဆန်စက်၊ ဆေးရုံတန်းလမ်း၊ ကြာနီကန်ရပ်ကွက်ရှိ ဧဝရတ်ဆီစက်တို့သို့လည်းကောင်း၊ ပေါက်ခေါင်းမြို့၊ ဘန့်ပြင်ကျေးရွာရှိ မြွေနဂါးကြံမွနှင့် မြေပဲကြံသကာမရွေးလုပ်ငန်းနှင့် အမှတ်(၃)ရပ်ကွက်ရှိ ဇွဲဓန မြေပဲယို၊ နှမ်းယိုလုပ်ငန်းတို့သို့လည်းကောင်း၊ သက်ဆိုင်ရာမြို့နယ်တာဝန်ခံနှင့် ဝန်ထမ်းများသွားရောက်၍ မိမိတို့ဖြန့်ဖြူးရောင်းချလျက်ရှိသော ကုန်စည်များတွင် အရည်အသွေး၊ အလေးချိန်၊ အချင်အတွယ်၊ ပမာဏနှင့် အမျိုးအစားများကို မှန်ကန်စွာထည့်သွင်းဖြန့်ဖြူးရောင်းချမှုရှိစေရေး၊ စီးပွားရေးကျင့်ဝတ်၊ စည်းကမ်းနှင့်အညီ ထုတ်လုပ်ရောင်းချမှုရှိစေရေး၊ ကုန်စည်အလိုက် ဖော်ပြရမည့် ကုန်အညွှန်းအမှတ်အသားများပြည့်စုံမှန်ကန်စွာဖော်ပြမှုရှိစေရေး လိုက်နာဆောင်ရွက်ကြရန်နှင့် နောက်ပိုင်းကာလများတွင် ကွင်းဆင်းစစ်ဆေးမှုများနှင့်အတူ အရေးယူဆောင်ရွက်မှုများပြုလုပ်ဆောင်ရွက်သွားမည်ဖြစ်သည့်အတွက် စီးပွားရေးလုပ်ငန်းရှင်များအနေဖြင့် အထူးအလေးထားလိုက်နာဆောင်ရွက်ကြရန်လိုအပ်ကြောင်း ရှင်းလင်းဆွေးနွေးပြောကြားခဲ့မှုကိုသတင်းရရှိပါသည်။
DOCA(ပဲခူး)