![](http://www.doca.gov.mm/sites/default/files/styles/consumer_inner_image__847x424_/public/105_14.jpg?itok=PopyU2mf)
မကွေးတိုင်းဒေသကြီး၊ သရက်ခရိုင်၊ စားသုံးသူရေးရာဦးစီးဌာနမှ ဦးအုန်းမြင့်(ဦးစီးမှူး) ဦးဆောင်သောဝန်ထမ်းများသည် တိုင်းဒေသကြီးဦးစီးမှူး၊ ဒုတိယတိုင်းဒေသကြီးဦးစီးမှူးနှင့် ခရိုင်ဦးစီးမှူးတို့၏လမ်းညွှန်မှုဖြင့် ဖေဖော်ဝါရီလအတွင်း ဆေးနှင့်ဆေးပစ္စည်းများကို ဈေးနှုန်းအဆမတန်မြှင့်တင်ရောင်းချနေမှုရှိ/မရှိ၊ အိမ်သုံးဆေးဝါးများပြတ်လပ်မှုရှိ/မရှိ၊ ဝယ်ယူရရှိမှုအခြေအနေ၊ သက်တမ်းလွန်ဆေးဝါးများရောင်းချမှုရှိ/မရှိတို့ကို အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့်ပူးပေါင်းကာ အပတ်စဉ်ဆေးနှင့်ဆေးပစ္စည်းဆိုင်များသို့သွားရောက်ကွင်းဆင်းစစ်ဆေးခြင်းဆောင်ရွက်ခဲ့ပါသည်။
ထိုသို့ကွင်းဆင်းစစ်ဆေးလေ့လာခဲ့ရာတွင် ဆေးများကို ပုံမှန်ဈေးနှုန်းများဖြင့်သာရောင်းချလျက်ရှိပြီး ယခုလက်ရှိအချိန်အထိ ဆေးကုမ္ပဏီများမှလိုအပ်သည့် ဆေးများမှာယူရာတွင် အခက်အခဲမရှိကြောင်း၊ သက်တမ်းလွန်ဆေးဝါးများကိုလည်း ရောင်းချခြင်းမရှိကြောင်းသိရှိရပါသည်။ ထို့နောက် အစားအသောက်နှင့်ဆေးဝါးကွပ်ကဲရေးဦးစီးဌာနအနေဖြင့် ဆေးဝါးများထားသိုရာတွင် သန့်ရှင်းမှုရှိစေလိုကြောင်း၊ တရားမဝင်ဆေးဝါးများကိုရောင်းချမှုမရှိစေရန် အသိပညာပေးဆွေးနွေးပြောကြားခဲ့ကြောင်းသိရှိရပါသည်။
DOCA(မကွေး)