မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့၊ မြိုင်လမ်းရှိ ကြက်ဥ၊ ဘဲဥ၊ ငုံးဥအရောင်းဆိုင်တွင် ၂၀၂၄ခုနှစ်၊ မတ်လ (ဒုတိယပတ်) တွင် ကြက်ဥအရွယ်အစားအလိုက် ကြက်ဥ(လက်လီ)ဈေးနှုန်းများမှာ ကြက်ဥ(အသေး)တစ်လုံးလျှင် ကျပ်(၂၃၀)၊ ကြက်ဥ(အလတ်)တစ်လုံးလျှင် ကျပ်(၂၅၀)၊ ကြက်ဥ(အကြီး) တစ်လုံးလျှင် ကျပ်(၂၇၀)၊ ဘဲဥတစ်လုံးလျှင် ကျပ်(၄၀၀)၊ ဆေးဘဲဥတစ်လုံးလျှင် ကျပ်(၄၅၀)ဈေးနှုန်းဖြင့် အရောင်းအဝယ်ဖြစ်ခဲ့ပြီး ယခင်မတ်လ(ပထမပတ်)ဈေးနှုန်းများနှင့်နှိုင်းယှဉ်လျှင် ဈေးနှုန်းအနည်းငယ်ကျဆင်းလာ၍ အရောင်းအဝယ်ဖြစ်ခဲ့ပါသည်။
ကြက်ဥ(လက်ကား)ဈေးနှုန်းအနေဖြင့် ယခင်မတ်လ(ပထမပတ်)တွင် တစ်ပိဿာလျှင် ကျပ် (၆၀၀၀-၆၃၀၀)ဖြစ်၍ ယခုမတ်လ(ဒုတိယပတ်)တွင် တစ်ပိဿာလျှင် ကျပ်(၅၈၀၀)ဖြင့် အရောင်းအဝယ်ဖြစ်နေပြီး ယခင်အပတ်ဈေးနှုန်းတို့နှင့်နှိုင်းယှဉ်လျှင် ကျပ်(၅၀၀)ခန့်ကျဆင်းသွားကြောင်း ကြက်ဥအရောင်းဆိုင်မှသိရှိရပါသည်။
DOCA(မကွေး)