မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့နယ်၊ ကုန်းကြီးကျေးရွာသည် စိုက်ပျိုးရေးကိုအဓိကထားလုပ်ကိုင်ပြီး ၎င်းကျေးရွာတွင်နေထိုင်သည့် တောင်သူဦးဝင်းဗိုလ်၏ ယာမြေ(၃) ဧကတွင် နွေနှမ်းကို မြို့နယ်အုပ်ချုပ်ရေးမှူးနှင့် စိုက်ပျိုးရေးဦးစီးဌာန၏ အကူအညီဖြင့် (၂၀၂၃-၂၀၂၄) ဘဏ္ဍာနှစ်အတွက် ၂၀၂၄ခုနှစ်၊ မတ်လ(၈)ရက်နေ့တွင် စိုက်ပျိုးပြီးစီးခဲ့ကြောင်းသိရှိရပါသည်။
စိုက်ပျိုးရာတွင် မျိုးအဖြစ် ဆင်းရတနာ(၁၄)ကို ကြောင်းဆွဲအစေ့ချစနစ်ဖြင့်စိုက်ပျိုးပြီး (၁) ဧကလျှင် မျိုး(၂)ပြည်ခန့်ကုန်ကျကြောင်း၊ ရက်ပေါင်း(၈၅)ရက်အကြာတွင် ရိတ်သိမ်းရကြောင်း၊ စိုက်ပျိုးမြေမှာ သဲနုန်းမြေဖြစ်သည့်အတွက် ရေထိန်းသိမ်းမှုအားနည်းသောကြောင့် စိုက်ပျိုးစဉ်တစ်လျှောက် တစ်ရက်လျှင် (၁)ကြိမ်ပုံမှန်ဖြန်းပေးရကြောင်း၊ (၅)ရက်လျှင်တစ်ကြိမ် မြေအောက်ရေတင်ပြီး ရေတင်ရာတွင် ဒီဇယ်အင်ဂျင်စက်ဖြင့်တင်ရသည့်အတွက် ရေ(၁)ကြိမ်တင်လျှင် ဒီဇယ်မှာ (၄) ဂါလံခန့်ကုန်ကျကြောင်း၊ နွေနှမ်းစိုက်ပျိုးမှုတွင် စိုက်ပျိုးရေးဦးစီးဌာနမှ နှမ်းမျိုး၊ မြေဩဇာ၊ ပိုးသတ်ဆေးနှင့် စိုက်ပျိုးရေးနည်းစနစ်များကို အခမဲ့ပံ့ပိုးကူညီပေးခဲ့သဖြင့် မြေအောက်ရေတင် ဒီဇယ်ဆီခမှာ ကျပ်(၁၅၀၀၀၀)ခန့်သာကုန်ကျကြောင်း၊ မြို့နယ်အုပ်ချုပ်ရေးမှူးကလည်း စိုက်ပျိုးမြေပြုပြင်ခြင်းအတွက် လိုအပ်သည်များကို အကူအညီပေးကြောင်း ကုန်းကြီးကျေးရွာနေတောင်သူ ဦးဝင်းဗိုလ်ထံမှသိရှိရပါသည်။
မိမိတို့မြို့နယ်အတွင်း ၂၀၂၄ခုနှစ်မှစတင်၍ ရေဖြန်းစနစ်ဖြင့် နွေနှမ်းကို စတင်စမ်းသပ်စိုက်ပျိုးခြင်းဖြစ်ပြီး ဖြစ်ထွန်းအောင်မြင်ခဲ့လျှင် ရှေ့လာမည်နှစ်များ၌ မင်းလှမြို့နယ်အတွင်းရှိ ကျေးရွာများတွင် နွေနှမ်းစိုက်ပျိုးခြင်းကို ဒီထပ်မက ပံပိုးကူညီပေးသွားရန် ရည်းမှန်းထားကြောင်း စိုက်ပျိုးရေးဦးစီးဌာနမှ ဦးစီးအရာရှိ ဦးစိုးသိန်း၏ ပြောကြားချက်အရလည်းသိရှိရပါသည်။
DOCA(မကွေး)