၈.၄.၂၀၂၄ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးသည် ပြည်နယ်ဦးစီးမှူးရုံးခန်း၌ မွန်ပြည်နယ် ပဲ၊ နှမ်းကုန်သည်အသင်းနှင့် တွေ့ဆုံခဲ့သည်။
ထိုသို့တွေ့ဆုံရာတွင် ပြည်နယ်ဦးစီးမှူးက မွန်ပြည်နယ်ပဲ၊ နှမ်းကုန်သည်အသင်း ဖွဲ့စည်းထားရှိမှုအခြေအနေ၊ ဈေးနှုန်း၊ ဈေးကွက်၊ ကုန်စည်စီးဆင်းမှုအခြေအနေများနှင့် စပ်လျဉ်း၍ ဆွေးနွေးမေးမြန်းရာ မွန်ပြည်နယ် ပဲ၊ နှမ်းကုန်သည်အသင်းဥက္ကဌက ပဲ၊ နှမ်းကုန်သည်အသင်းကို အဖွဲ့ဝင် (၂၃)ဦးဖြင့် ဖွဲ့စည်းထားရှိကြောင်း၊ ပဲ၊ နှမ်းကုန်သည်များအပြင် ပဲစိုက်တောင်သူများကိုပါ ပါဝင်ဖွဲ့စည်းထားရှိကြောင်း၊ ပဲနှမ်းကုန်သည်အသင်းအနေဖြင့် ဒေသဖွံ့ဖြိုးရေးလုပ်ငန်းများကို ပြည်နယ်အစိုးရ၊ ဌာနဆိုင်ရာများနှင့် ပူးပေါင်းဆောင်ရွက်လျက်ရှိကြောင်း ပြောကြားခဲ့သည်။ ဆက်လက်၍ မွန်ပြည်နယ်တွင် အဓိကအားဖြင့် မတ်ပဲ၊ ပဲတီစိမ်း (ရွှေဝါ)၊ ပဲပုပ်တို့ကို အဓိကထားစိုက်ပျိုးကြောင်း၊ ပဲတီစိမ်းနှင့် မတ်ပဲကို ပဲပင်ပေါက်ဖောက်ခြင်း လုပ်ငန်းများတွင် အသုံးများပြီး ယခုအချိန်တွင် မတ်ပဲဈေးနှုန်းမြင့်တက်ခြင်းကြောင့် ပဲပင်ပေါက် ဖောက်ရာတွင် ပဲတီစိမ်းကို အများဆုံးအသုံးပြုလာကြကြောင်း၊ ဈေးနှုန်းအနေဖြင့် ပဲတီစိမ်း (ရွှေဝါ)(၂၀)ပိဿာတစ်တင်းလျှင် (၆၃၀၀၀)ကျပ်၊ မတ်ပဲ (၂၀)ပိဿာတစ်တင်းလျှင် (၉၉၅၀၀) ကျပ် ရှိကြောင်း၊ ပြည်နယ်အတွင်း သုံးစွဲခြင်းမှ ပိုလျှံသည်များကို ရန်ကုန်မြို့သို့ တင်ပို့ ရောင်းချကြောင်း သိရှိရသည်။
DOCA(မွန်)