မိတ္ထီလာမြို့နယ်အတွင်း စားဖိုဆောင်သီးနှံတစ်မျိုးဖြစ်သည့် ခရမ်းချဉ်သီးကို တောမ၊ကျောက်ဖူးပျော်ဘွယ်လေး၊သဲတောလေးစသည့်ကျေးရွာများတွင် စိုက်ပျိုးကြပြီး ဈေးကွက်အတွင်း၌ ဒေသတွင်း ထွက်ရှိသော ခရမ်းချဉ်သီးများနှင့် ရှမ်းပြည်နယ် ပင်လောင်း၊ အင်းလေးဘက်မှ ဝင်ရောက်လာသော ခရမ်းချဉ်သီးများ အရောင်းအဝယ်ဖြစ်လျက်ရှိပါသည်။
ယခုဧပြီလ ဒုတိယပတ်အတွင်း ဈေးကွက်အတွင်း၌ ဒေသထွက်ဗမာခရမ်းချဉ်သီး တစ်ပိဿာလျှင် (၁၆၀၀-၂၀၀၀) ကျပ်နှင့် ပင်တောင်ခရမ်းချဉ်သီး (အစို) တစ်ပိဿာလျှင် (၁၀၀၀-၁၅၀၀) ကျပ်၊ အင်းခရမ်းချဉ်သီး (၁၈၀၀) ကျပ်ဖြင့် အရောင်းအဝယ်ဖြစ်လျက်ရှိပြီး၊ ယခင်မတ်လဒုတိယပတ်တွင် ဗမာခရမ်းချဉ်ဿီး (၈၀၀-၁၀၀၀) ကျပ်၊ ပင်တောင်ခရမ်းချဉ်သီး (၅၀၀-၇၀၀) ကျပ်နှင့် အင်းလေးဘက် မှ ဝင်လာသော အင်းခရမ်းချဉ်သီး တစ်ပိဿာလျှင် (၁၀၀၀)ကျပ် ဈေးနှုန်းဖြင့် ရောင်းချလျက်ရှိကြောင်း ယခင်လနှင့်ယခုလနှိုင်းယှဉ်လျှင် ဗမာခရမ်းချဉ်သီး တစ်ပိဿာလျှင် (၈၀၀-၁၀၀၀) ကျပ်၊ ပင်ထောင် (သီးစို) တစ်ပိဿာလျှင် (၅၀၀-၈၀၀) ကျပ်၊ အင်းခရမ်းချဉ်သီး တစ်ပိဿာလျှင် (၈၀၀) ကျပ်ဖြင့် မြင့် တက်လျက်ရှိကြောင်း၊ ဈေးနှုန်းမြင့်တက်လာရခြင်းမှာ ဈေးကွက်အတွင်း ဒေသထွက်ခရမ်းချဉ်သီးများ ဝင်ရောက်မှု လျော့နည်းလာခြင်းကြောင့် ဖြစ်သည်ဟု သိရှိရပါသည်။
DOCA(မန္တလေး)