တောင်ငူခရိုင် အုတ်တွင်းမြို့စည်ပင်သာယာဈေးတွင် ကြက်တက်ရွက်ပြုတ်များကို ရောင်းချလျက်ရှိပါသည်။ ကြက်တက်ရွက်မှာ မိုးမကျခင်တွင်သာပေါ်သော အရွက်တစ်မျိုးဖြစ်ပါသည်။ ကြက်တက်ရွက်များကို ခူးပြီး နာရီဝက်ခန့်ပြုတ်၍ အလုံးလေးများလုံးကာ ဈေးထဲတွင် ရောင်းချကြပါသည်။
ကြက်တက်ရွက်ကို မြေပဲဆံ (သို့မဟုတ်) ပဲကြီးလှော်တို့ဖြင့်သုပ်၍ ရေနွေးကြမ်းဖြင့် သော်လည်းကောင်း၊ ထမင်းဝိုင်းတွင် အရံဟင်းအဖြစ်သော်လည်းကောင်း စားသုံးနိုင်သည့် အရသာရှိသည့် အရွက်တစ်မျိုးဖြစ်ပါသည်။
ရာသီပေါ်ကြက်တက်ရွက်သည် လူကြိုက်များသော စားစရာတမျိုးဖြစ်သည်။ ၂၀၂၄ခုနှစ် မေလဒုတိယအပတ်တွင် ကြက်တက်ရွက်ပြုတ် အဆုပ်တစ်လုံးလျှင် အသေး ၂၀၀ ကျပ်၊ အကြီး ၄၀၀ ကျပ်ဖြင့် ရောင်းချရကြောင်း အုတ်တွင်းဈေးရှိ ကြက်တက်ရွက်ပြုတ် ရောင်းချသူတစ်ဦးထံမှ သိရပါသည်။
DOCA(ပဲခူး)