မန္တလေးတိုင်းဒေသကြီး၊ ကျောက်ဆည်ခရိုင်အတွင်းတွင် နွေနှမ်းကို ၂၀၂၄-၂၀၂၅ဘဏ္ဍာနှစ်တွင် ကျောက်ဆည်မြို့နယ်တွင်(၃၂၂၄၆)ဧက၊စဉ့်ကိုင်မြို့နယ်တွင်(၂၂၉၆၀)ဧက၊ မြစ်သားမြို့နယ်တွင် (၃၄၄၂၉)ဧက၊ စုစုပေါင်း(၈၉၆၃၅)ဧကစိုက်ပျိုးထားရှိကြောင်း ၊ခရိုင်ကြေးတိုင်နှင့် မြေစာရင်းဦးစီးဌာန၏စာရင်းများအရ သိရှိရပါသည်။ နွေနှမ်းစိုက်ပျိုးမှု(၁)ဧက ကုန်ကျစရိတ်အနေဖြင့် မျိုး ၊ သွင်းအားစု ၊ လုပ်သားခအပါအဝင် စုစုပေါင်း(၃၅၀၀၀၀)ကျပ် ဝန်းကျင်ခန့် ကုန်ကျကြောင်း၊ စိုက်ပျိုးသောမျိုးများမှာ နှမ်းဖြူ၊ နှမ်းညို၊ နှမ်းနက်မျိုးများကို စိုက်ပျိုးကြပါသည်။ ယခုအချိန်တွင် မိုးရွာသွန်းမှုကောင်းသောကြောင့် အပင်များ ကောင်းမွန်စွာ အောင်မြင်ဖြစ်ထွန်းလျက်ရှိကြောင်း ၊ နှမ်းစျေးနှုန်းအနေဖြင့် ယခင်နှစ် နှမ်းဖြူ တစ်တင်းလျှင်(၁၀၂၀၀၀)ကျပ် ၊ နှမ်းနက် တစ်တင်းလျှင်(၈၄၀၀၀)ကျပ် ၊ နှမ်းညို တစ်တင်းလျှင်(၈၁၀၀၀)ကျပ်ဖြင့် ရောင်းဝယ်ခဲ့ပြီး ယခုနှစ်လက်ရှိ ပေါက်စျေးအနေဖြင့် နှမ်းဖြူ တစ်တင်းလျှင်(၁၃၈၀၀၀)ကျပ် ၊ နှမ်းနက် တစ်တင်းလျှင်(၇၅၀၀၀)ကျပ် ၊ နှမ်းညို တစ်တင်းလျှင် (၉၇၅၀၀)ကျပ်နှင့် နှမ်းဆီ (၁)ပိဿာလျှင်(၁၄၂၀၀)ကျပ် စျေးနှုန်းများဖြင့် အရောင်းအဝယ်ဖြစ်လျက်ရှိကြောင်း ပွဲရုံများမှ သိရှိရပါသည် ။
DOCA(မန္တလေး)