ဘီးလင်းမြို့နယ်တာဝန်ခံမှ စားအုန်းဆီလုပ်ငန်းရှင်နှင့်တွေ့ဆုံဆွေးနွေးပွဲ ပြုလုပ်

            စားသုံးသူရေးရာဦးစီးဌာန၊ ဘီးလင်းမြို့နယ်တာဝန်ခံသည် ၂၁.၅.၂၀၂၄ ရက်နေ့တွင် ဘီးလင်းမြို့နယ်တာဝန်ခံရုံး၌ ဘီးလင်းမြို့နယ်အတွက် ခွဲတမ်းရရှိသော စားအုန်းဆီများကို တာဝန်ယူဖြန့်ဖြူးရောင်းချနေသည့် လက်လီ/လက်ကား ကုန်သည်များနှင့် တွေ့ဆုံ၍ စားအုန်းဆီဖြန့်ဖြူးရောင်းချမှုနှင့်စပ်လျဉ်း၍ ဆွေးနွေးပွဲကျင်းပပြုလုပ်ခဲ့သည်။

           အဆိုပါ တွေ့ဆုံဆွေးနွေးပွဲသို့ မြို့နယ်အထူးစုံစမ်းစစ်ဆေးရေးအဖွဲ့၊ မြို့နယ်စည်ပင် သာယာရေးအဖွဲ့၊ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြန်မာနိုင်ငံရဲတပ်ဖွဲ့နှင့် ဆီလက်လီ/လက်ကားကုန်သည်များ စုစုပေါင်း (၂၇) ဦးတက်ရောက်ခဲ့သည်။

          ဆွေးနွေးပွဲတွင် စားသုံးသူရေးရာဦးစီးဌာန၊ ဘီးလင်းမြို့နယ်တာဝန်ခံက ခွဲတမ်းရရှိသော စားအုန်းဆီများအား တာဝန်ယူဖြန့်ဖြူးရောင်းချနေသော ကုန်သည်များအား သတ်မှတ်အရေအတွက်ပြည့်မီစွာရောင်းချပေးရေး၊ ဈေးနှုန်းမြှင့်တင်ရောင်းချခြင်းမပြုရေး၊ ဈေးကစား ရန်အလို့ငှာ စားအုန်းဆီများအား လက်ဝယ်သိုလှောင်ထားမှုမရှိစေရေးနှင့် ဈေးနှုန်းမြှင့်တင် ရောင်းချခြင်းပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူ ဆောင်ရွက်သွားမည်ဖြစ်ကြောင်း၊ ပုဒ်မ (၅) အရ ထိုက်သင့် သော ပြစ်ဒဏ်များ ခံရမည်ဖြစ်ကြောင်း ဆွေးနွေးခဲ့သည်။ ထို့နောက် အထူးစုံစမ်းစစ်ဆေးရေးအဖွဲ့မှ ဦးစီးအရာရှိ ဦးကျော်စိုးလင်း က စားအုန်းဆီနှင့်ပတ်သက်သည့် သက်ဆိုင်ရာညွှန်ကြားချက်များကို လိုက်နာကြရန်ဆွေးနွေးခဲ့ပြီး တက်ရောက်လာသူများကို သိလိုသည်များကို ဆွေးနွေးခဲ့ကြပြီး ဆွေးနွေးပွဲအား ရုပ်သိမ်းခဲ့ကြကြောင်း သိရှိရပါသည်။

DOCA(မွန်)