မကွေးတိုင်းဒေသကြီး၊ မင်းဘူးခရိုင်၊ မင်းဘူး(စကု)မြို့နယ်၊ ဥယျာဉ်ဇင်ကျေးရွာ၌ စပါး၊ နှမ်း၊ ပဲနှင့် ဥယျဉ်ခြံသီးနှံများကိုအဓိကထားလုပ်ကိုင်ကြကြောင်းသိရှိရပါသည်။
ဥယျာဉ်ဇင်ကျေးရွာတွင် တိုင်တောင်ပဲကို လယ်ကန်သင်းဘေးတွင် တိုင်ထောင်၍ စိုက်ပျိုး ကြသလို အခြားသီးပင်စားပင်များနှင့် ရော၍လည်း စိုက်ပျိုးကြပါသည်။ စိုက်တောင်သူမှာ (၆)ဦးခန့် ရှိပြီး တိုင်ထောင်ပဲစိုက်ပျိုးရာတွင် ထွန်ကြောင်းဆွဲ အစေ့တိုက်ရိုက်ချစနစ်ဖြင့် စိုက်ပျိုးပြီး မျိုး အနေဖြင့် မျှားနီတံဆိပ်ကိုအသုံးပြုကာ မျိုးစေ့တစ်ဘူးလျှင် ကျပ်(၇၀၀၀)ပေးရကြောင်း၊ တစ်ဧက အတွက်(၂၄)ဘူး ခန့်ကုန်ကျကြောင်း၊ မြေအောက်ရေကိုအသုံးပြု၍ စိုက်ပျိုးကြောင်း၊ စိုက်ပျိုးပြီး (၂)ပတ်သားခန့်အကြာတွင် တိုင်ထောင်ကာ အညွှန့်များကို ကပ်၍ချည်ရကြောင်း၊ စိုက်ပျိုးမှုကုန်ကျ စရိတ်အနေဖြင့် တစ်ဧကလျှင် မျိုး၊ သွင်းအားစု၊ လုပ်သားခအပါအဝင် စုစုပေါင်း ကျပ်(၆၀၀၀၀၀)ခန့် ကုန်ကျကြောင်း၊ ဈေးကွက်နေဖြင့် မင်းဘူးမြို့သို့ တင်ပို့ရောင်းချကြောင်း၊ ၂၀၂၄ခုနှစ်၊ မေလ (တတိယပတ်)တွင် လက်ကားဈေး(၁)ပိဿာလျှင် ကျပ်(၃၀၀၀)ဈေးဖြင့် အရောင်းအဝယ်ဖြစ်လျက် ရှိကြောင်း သိရှိရပါသည်။
DOCA(မကွေး)