(၂၁.၅.၂၀၂၄)နေ့ နံနက်(၁၀:၀၀)နာရီ အချိန်တွင် စားသုံးသူရေးရာဦးစီးဌာန ခရိုင်ဦးစီးမှူးရုံး၊ ညောင်တုန်းမြို့နယ်ဦးစီးမှူးရုံးမှ တာဝန်ရှိသူများသည် ညောင်တုန်းမြို့နယ် အထွေထွေအုပ်ချုပ်ရေး ဦးစီးဌာန၊ အစည်းအဝေးခန်းမတွင် ဌာနဆိုင်ရာဝန်ထမ်း(၁၅)ဦးအား စားသုံးသူအသိပညာပေးဟော ပြောမှု ကျင်းပပြုလုပ်ခဲ့ပါသည်။
အဆိုပါဟောပြောမှုတွင် ညောင်တုန်းမြို့နယ်ဦးစီးမှူးဦးအောင်လွင်က စားသုံးသူရေးရာ ဦးစီးဌာန၏ လုပ်ငန်းဆောင်ရွက်ချက်များအကြောင်း၊ စားသုံးသူ၏အခွင့်အရေး နှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ ကုန်စည်နှင့် ဝန်ဆောင်မှုများကို စားသုံးသူများမှ ရွှေးချယ်ဝယ်ယူရာတွင် အာမခံချက်နှင့်စပ်လျဉ်း၍ စားသုံးသူက တောင်းဆိုနိုင်သည့်အခွင့်အရေး များအကြောင်းကို လည်းကောင်း၊ စားသုံးသူများက အခွင့်အရေးကို သိရှိပြီးလျှင် လိုက်နာရမည့် တာဝန်များကိုလည်း လိုက်နာ ရှောင်ကြဉ်ရန်လိုအပ်ပါကြောင်း၊ ကုန်စည်ကို ဝယ်ယူအသုံးပြုရာတွင် ကုန်အညွှန်းအမှတ်အသား ပြည့်စုံစွာ ဖော်ပြပါဝင်သည့် ကုန်စည်ကိုရွေးချယ်တတ်စေရန် ကုန်အညွှန်းအမှတ်အသား ဖော်ပြခြင်းဆိုင်ရာ အချက်အလက်များကို သိရှိရမည်ဖြစ်ကြောင်း၊ စားသုံးသူရေးရာဦးစီးဌာနသို့ စားသုံးသူအခွင့်အရေး နစ်နာဆုံးရှုံးမှုနှင့် စပ်လျဉ်း၍ တိုင်ကြားလာသော ဖြစ်စဉ်များရှိသဖြင့် ဖြေရှင်းဆောင်ရွက်ပေးခဲ့ သည့်ဖြစ်စဉ် များအား ရှင်းလင်းကာ စားသုံးသူအခွင့်အရေး နစ်နာမှုများအတွက် တိုင်ကြားနိုင်သည့် နည်းလမ်းများ၊ တိုင်ကြားနိုင်သည့် ပုံစံများအကြောင်းကို ပြောကြားခဲ့ပြီး ဌာနဆိုင်ရာဝန်ထမ်းများ မှသိရှိ လိုသည်များကို စိတ်ဝင်တစား မေးမြန်းဆွေးနွေးခဲ့ကြကြောင်းနှင့် အသိပညာပေး လက်ကမ်းစာစောင်များ ဖြန့်ဝေခဲ့ကြောင်း သိရပါသည်။
DOCA(ဧရာဝတီ)