ဧရာဝတီတိုင်းဒေသကြီး၊ ကန်ကြီးထောင့်မြို့နယ်၌ ကွမ်းကို မိမိတို့အိမ်ခြံဝင်းအတွင်း တစ်နိုင်တစ်ပိုင်အနေဖြင့်လည်းကောင်း၊ အပိုဝင်ငွေ ရရှိစေရန်အတွက်လည်းကောင်း စိုက်ပျိုး ကြကြောင်း၊ ကွမ်းကို ဆောင်းစိုက်နှင့်မိုးစိုက်ဟူ၍ နှစ်မျိုးခွဲ၍ စိုက်ပျိုးကြရာ မိုးစိုက်သည် ပိုးကျလွယ်သည့်အတွက် အနည်းငယ်သာစိုက်ပျိုးကြပြီး ဆောင်းစိုက်ကိုသာ ပိုမိုစိုက်ကြကြောင်း သိရှိရပါသည်။
ကန်ကြီးထောင့်မြို့နယ်၌ ဖြစ်ပေါ်နေသော ကွမ်းဈေးနှုန်းများ အနေဖြင့် အရည် အသွေးပေါ် မူတည်၍ ဧပြီလ(စတုတ္ထပတ်)တွင် ကွမ်းတစ်ပိဿာလျှင် ငွေကျပ် (၈၀၀၀-၉၀၀၀) တို့ဖြင့် လည်းကောင်း၊ မေလ(ပထမပတ်)တွင် ငွေကျပ်(၉၀၀၀-၁၁၀၀၀)တို့ဖြင့် လည်းကောင်း၊ မေလ(ဒုတိယပတ်) တွင် ငွေကျပ် (၁၁၀၀၀-၁၃၀၀၀) တို့ဖြင့်လည်းကောင်း ရောင်းချလျက် ရှိကြောင်း ၊ နွေရာသီတွင် ကွမ်းအထွက်နှုန်း တိုးသော်လည်း ရာသီဥတု အပူဒဏ်ကြောင့် ရွက်လိပ်ပိုးကျကာ ဈေးကွက်အတွင်း ကုန်ဝင်ရောက်မှုနည်းခြင်းကြောင့် ဈေးနှုန်းများ မြင့်တက်လျက်ရှိကြောင်း ကန်ကြီးထောင့်မြို့နယ်၊ မဂူကျွန်းကျေးရွာရှိ ကွမ်းစိုက် တောင်သူ တစ်ဦး၏ ပြောကြားချက်အရ သိရှိရပါသည်။
DOCA(ဧရာဝတီ)