မိုးရာသီကာလသို့ ရောက်ရှိလာတော့မည်ဖြစ်သဖြင့် မိသားစု တပိုင်တနိုင်စိုက်ပျိုးရေး လုပ်ကိုင်သူများအနေဖြင့် စိုက်ဘောင်များ ပြုလုပ်ခြင်း၊ စင်များဆောင်လုပ်ခြင်းများ ပြင်ဆင်နေပြီ ဖြစ်သကဲ့သို့ မျိုးစေ့များလည်း စုဆောင်းဝယ်ယူနေကြပြီ ဖြစ်ပါသည်။
၂၀၂၄ခုနှစ် မေလတတိယအပတ်တွင် မျိုးစေ့ရောင်းချသူများက နံနံပင်မျိုးစေ့ နို့ဆီဘူး တစ်ဘူးလျှင် ၁၂၀၀ ကျပ်၊ ပဲလွန်းမျိုးစေ့ နို့ဆီဘူးတစ်ဘူးလျှင် ၅၀၀ ကျပ်၊ နှမ်းမျိုးစေ့ နို့ဆီဘူးတစ်ဘူးလျှင် ၁၅၀၀ ကျပ်၊ ပဲနောက်မျိုးစေ့ နို့ဆီဘူး တစ်ဘူးလျှင် ၅၀၀ ကျပ်၊ ကုလားပဲမျိုးစေ့ နို့ဆီဘူးတစ်ဘူးလျှင် ၅၀၀ ကျပ်၊ ပြောင်းဖူးမျိုးစေ့ နို့ဆီဘူးတစ်ဘူးလျှင် ၅၀၀ ကျပ်၊ ပဲတီစိမ်းမျိုးစေ့ နို့ဆီဘူးတစ်ဘူးလျှင် ၁၀၀၀ ကျပ်နှင့် စွန်တာနီမျိုးစေ့ နို့ဆီဘူးတစ်ဘူးလျှင် ၁၀၀၀ ကျပ်ရောင်းချပါသည်။
အခြားမျိုးစေ့များဖြစ်သော ဂေါ်ဖီ၊ သခွား၊ မုန်ညင်း၊ မုံလာ၊ ရုံးပတီ၊ ဘူး၊ ဖရုံ၊ ခဝဲ၊ ကျောက်ဖရုံ၊ ကန်စွန်း၊ ချဉ်ပေါင်မျိုးစေ့များကို ပလပ်စတစ်အိတ်ဖြင့် ထုပ်ပိုးပြီး တစ်ထုပ်လျှင် ၈၀၀ ကျပ်၊ နှစ်ထုပ်ယူလျှင် ၁၅၀၀ ကျပ်ဖြင့်ရောင်းချကြောင်း တောင်ငူမြို့ရှိ သီးနှံမျိုးစေ့အရောင်းဆိုင်မှ သိရပါသည်။
DOCA(ပဲခူး)