ယခုအခါ မိုးဦးကာလသို့ရောက်ရှိလာတော့မည်ဖြစ်သဖြင့် တောင်သူလယ်သမားများ စပါးစိုက်ပျိုးနိုင်ရန် ကြိုတင်ပြင်ဆင်နေကြပြီဖြစ်ရာ အရင်းအနှီးများ လိုအပ်နေပြီ ဖြစ်ပါသည်။ မြန်မာ့လယ်ယာဖွံ့ဖြိုးရေးဘဏ်အနေဖြင့် နှစ်စဉ် စပါးစတင်စိုက်ပျိုးချိန်တွင်လည်းကောင်း၊ ဆောင်းသီးနှံ စတင်စိုက်ပျိုးချိန်တွင်လည်းကောင်း တောင်သူလယ်သမားများအား စိုက်ပျိုးစရိတ်ချေးငွေများကို ထုတ်ပေးလျက်ရှိပါသည်။
မြန်မာ့လယ်ယာဖွံ့ဖြိုးရေးဘဏ်၊ အုတ်တွင်းဘဏ်ခွဲသည် ၂၀၂၄ ခုနှစ်၊ မိုးစပါး စိုက်ပျိုးနိုင်ရန်အတွက် အုတ်တွင်းမြို့နယ်အတွင်းရှိ ကျေးရွာအုပ်စု (၄၇)အုပ်စုမှ တောင်သူလယ်သမား (၉၇၀၀၀)ဦး၏ မိုးစပါးစိုက်ဧက (၆၀၀၀၀)အတွက် တစ်ဧကလျှင် ကျပ်တစ်သိန်းငါးသောင်းနှုန်းဖြင့် ငွေကျပ်သိန်းကိုးသောင်းထုတ်ပေးရန် လျာထားဆောင်ရွက်လျက်ရာ ယခုအခါ စတင်ထုတ်ပေး လျက်ရှိနေပြီဖြစ်ပါသည်။
မြန်မာ့လယ်ယာဖွံ့ဖြိုးရေးဘဏ်အနေဖြင့် တောင်သူလယ်သမားများ စားဝတ်နေရေး အဆင်ပြေပြီး လူမှုဘဝဖွံ့ဖြိုးတိုးတက်ရန်ရည်ရွယ်၍ စိုက်ပျိုးစရိတ်ချေးငွေများကို ထုတ်ပေးခြင်းဖြစ်ကြောင်း တာဝန်ရှိသူများထံမှ သိရပါသည်။
DOCA(ပဲခူး)