ရှမ်းပြည်နယ်(တောင်ပိုင်း)၊ အောင်ပန်းဈေးကွက်တွင် မေလ ဒုတိယပတ်နှင့်တတိယပတ်တို့၏ ကုန်စိမ်းဈေးနှုန်းဈေးကွက်တို့ကိုနှိုင်းယှဉ်ပါက ကုန်စိမ်းသီးနှံအားလုံး ဈေးမြင့်တက်အရောင်းသွက်လျက်ရှိကြောင်းလေ့လာသိရှိရပါသည်။
ယခင်အပတ်၏ခရမ်းချဉ်တစ်ပိဿာဈေးနှုန်းများမှာ ခရမ်းချဉ်ဂွတ်ရှယ်သီး ၁၅၀၀ကျပ်၊ အသေးဆုံးသီး ၁၂၀၀ကျပ်ဖြစ်ပြီး ယခုအပတ်ခရမ်းချဉ်ဈေးနှုန်းများမှာ ခရမ်းချဉ်ဂွတ်ရှယ်သီးတစ်ပိဿာလျှင် ၂၅၀၀ကျပ်၊ ရှယ်သီးတစ်ပိဿာလျှင် ၂၃၀၀ကျပ်၊ အသေးဆုံးသီးတစ်ပိဿာလျှင် ၂၀၀၀ကျပ်ဖြင့် ဈေးတက်လာသည်ကိုတွေ့ရှိရပြီး ဆက်လက်ဈေးနှုန်းမြင့်တက်ဖွယ်ရှိပါသည်။ မုန်လာဥဖြူတစ်ပိဿာလျှင် ၂၅၀၀ကျပ်ဖြင့် ဈေးနှုန်းမြင့်တက်လာပြီး ဈေးကွက်တွင် အရောင်းသွက်လျက်ရှိပါသည်။
ဂေါ်ရခါးညွန့် အစီးငါးဆယ်ပါ တစ်ထုံးလျှင် ၂၇၀၀၀ကျပ်၊ ကိုက်လံအစီးငါးဆယ်ပါ တစ်ထုံးလျှင် ၂၅၀၀၀ကျပ်ဖြင့် အသီးသီးဈေးနှုန်းမြင့်တက်လျက်ရှိပါသည်။ ဂေါ်ဖီထုပ်အကြီးတစ်ထုပ်လျှင် ၁၄၀၀ကျပ်၊ အသေးတစ်ထုပ်လျှင် ၁၂၀၀ကျပ်၊ ပန်းမုံလာအကြီးတစ်ထုပ်လျှင် ၁၆၀၀ကျပ်၊ အသေးတစ်ထုပ်လျှင် ၁၅၀၀ကျပ်၊ ငရုတ်သီးစိမ်းတစ်ပိဿာလျှင် ၉၅၀၀ကျပ်ဖြင့် ထပ်မံဈေးတက်လာသည်ကိုတွေ့ရှိရပါသည်။
မုန့်ညှင်းထုပ်အကြီးတစ်ထုပ်လျှင် ၃၀၀၀ကျပ်၊ အသေးတစ်ထုပ်လျှင် ၂၈၀၀ကျပ်၊ ပဲတောင့်ရှည်တစ်ပိဿာလျှင် ၄၅၀၀ကျပ်၊ ဘိုစားပဲလုံးအရှည်တစ်ပိဿာလျှင် ၃၂၀၀ကျပ်၊ အလတ်တစ်ပိဿာလျှင် ၂၅၀၀ကျပ်၊ ကြက်ဟင်းခါးသီးတစ်ပိဿာလျှင် ၃၀၀၀ကျပ်၊ ရွှေပဲရှယ်တစ်ပိဿာလျှင် ၁၃၀၀၀ကျပ်၊ အလတ်တစ်ပိဿာလျှင် ၁၀၀၀၀ကျပ်၊ ငရုတ်ပွရှယ်တစ်ပိဿာလျှင် ၃၅၀၀ကျပ်၊ အလတ်တစ်ပိဿာလျှင် ၃၀၀၀ကျပ်၊ ခရမ်းသီးအကြီးတစ်ပိဿာလျှင် ၂၅၀၀ကျပ်၊ အလတ်တစ်ပိဿာလျှင် ၂၀၀၀ကျပ်၊ ရုံးပတီသီးတစ်ပိဿာလျှင် ၄၈၀၀ကျပ်ဈေးပေါက်နေသည်ဟု ဈေးကွက်အတွင်းမှ လေ့လာသိရှိရပါသည်။
DOCA(ရှမ်း)