![](http://www.doca.gov.mm/sites/default/files/styles/consumer_inner_image__847x424_/public/18_15.jpg?itok=Pp6Jm59S)
ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်၊ မီးလောင်အုပ်စု၊ အင်္ဂလှိုင်ဂန်ကျေးရွာတွင် ရုံးပတီသီးများစိုက်ပျိုးထားရှိကြောင်း သိရပါသဖြင့် စားသုံးသူရေးရာဦးစီးဌာန၊ ရွှေတောင်မြို့နယ် တာဝန်ခံနှင့် ဝန်ထမ်းများအဖွဲ့သည် (၂၄.၅.၂၀၂၄)ရက်နေ့၊ နံနက် (၁၀:၀၀)နာရီအချိန်တွင် ရုံးပတီသီး စိုက်ကွင်းသို့ ကွင်းဆင်းလေ့လာခဲ့ပါသည်။
ထိုသို့သွားရောက် ကွင်းဆင်းလေ့လာရာတွင် ရုံးပတီသီးစိုက်ပျိုးသူ တောင်သူဦးကျော်နိုင်ဦး စိုက်ပျိုးထားသည့်မျိုးမှာ ကျောက်စိမ်းမျိုးဖြစ်ပြီး စိုက်ဧကမှာ (၀.၂၅)ဧကရှိ၍ တပို့တွဲလမှ စတင်စိုက်ပျိုးပြီး ဧပြီလမှာ အသီးများ စတင်ခူးဆွတ်ရပါသည်။ တစ်ခါခူးဆွတ်လျှင်ရုံးပတီသီး အတောင့်(၂၀၀၀)ကျော်ခူးဆွတ်ရပြီးတစ်ရက်ခြား/နှစ်ရက်ခြားတစ်ခါ ခူးဆွတ်ရပါသည်။ တစ်ခါ စိုက်ပျိုးထားလျင် ရုံးပတီသီးကို (၂)လကျော်ခူးဆွတ်ရပါသည်။ ၂၀၂၄ခုနှစ် မေလနောက်ဆုံးပတ်တွင် ရောင်းချသောဈေးနှုန်းမှာ လက်ကား တစ်တောင့်လျှင်(၂၀)ကျပ်နှုန်းဖြင့် ရွှေတောင်မြို့မှဒိုင်များက လာရောက်သိမ်းယူပြီး ပြည်မြို့သို့ ကိုယ်တိုင်သွားရောက်ရောင်းချပါသည်။ လက်လီ၁တောင့်လျှင် (၃၅)ကျပ်၊ ၁၀၀ဖိုး ၃တောင့်ဖြင့် ရောင်းချရပါသည်။ စတင်စိုက်ပျိုးချိန်မှခူးဆွတ်ပြီးသည့်အချိန်ထိ ကုန်ကျစရိတ်မှာ (၃)သိန်းကျော်ခန့်ရှိပြီး အကျိုးအမြတ်မှာ (၈)သိန်းကျော်ဝန်းကျင်လောက် ရရှိကြောင်း သိရှိရပါသည်။
DOCA(ပဲခူး)