စီးပွားရေးနှင့်ကူးသန်းရောင်းဝယ်ရေးဝန်ကြီးဌာနနှင့် ဆီကုန်သည်လုပ်ငန်းရှင်အသင်းတို့ ပူးပေါင်းစီစဉ်မှုဖြင့် စားသုံးသူပြည်သူများ ဈေးနှုန်းသက်သာစွာ ဝယ်ယူရရှိနိုင်စေရန် ရည်ရွယ်၍ ဗဟိုဘဏ်မှရည်ညွှန်းငွေလဲနှုန်းဖြင့် တိုက်ရိုက်ရောင်းချပေးသည့် နိုင်ငံခြားငွေအမေရိ ကန်ဒေါ် လာဖြင့် မှာယူတင်သွင်းခဲ့သော စားသုံးဆီအရောင်းဆိုင်များသို့ မုံရွာခရိုင်၊ ဆီကုန်သည်နှင့် ဆီလုပ်ငန်းရှင်များ၊ ဌာနဆိုင်ရာများပါဝင်သော ခရိုင်ကွင်းဆင်း စစ်ဆေးကြပ် မတ်ရေး အဖွဲ့သည် (၂၄.၂.၂၀၂၂)ရက်နေ့တွင် မုံရွာမြို့ပေါ်ရှိ စားသုံးဆီ အရောင်းဆိုင်များနှင့် ချင်းတွင်း ရတနာဈေး၊ သီရိရတနာဈေး၊ မြသလ္လာ ဈေးများရှိ စားသုံးဆီအရောင်းဆိုင်များသို့ စားသုံးဆီ ရောင်းချရာတွင် အလေးချိန်မှန်ကန်မှု ရှိ/မရှိ၊ သတ်မှတ်ထားသော အထူးဈေးနှုန်းဖြင့် ရောင်းချ ပေးခြင်း ရှိ/မရှိ ကွင်းဆင်းစစ်ဆေးခဲ့ပါသည်။
ကွင်းဆင်းစစ်ဆေးရာတွင် စားသုံးသူကာကွယ်ရေးနှင့် ထုတ်ကုန်လုံခြုံစိတ်ချရမှုရှိစေရေး အတွက် စားသုံးသူများ ထင်ယောင်ထင်မှားမဖြစ်စေရန်၊ အခြေခံလိုအပ်ချက်အပေါ် စိတ်ကျေ နပ်မှုရရှိစေရန်၊ စီးပွားရေးလုပ်ငန်းရှင်များအနေဖြင့် ဈေးကွက်အတွင်း ဖြန့်ဖြူးရောင်းချ နေသော ဟင်းသီးဟင်းရွက် ဆီ(Vegetable Oil , Cooking Oil)များနှင့်ပတ်သက်၍ ဖော်ပြချက်များအပေါ် ကုန်စည်၏အမျိုးအမည်ကို ဟင်းသီးဟင်းရွက်ဆီ(စားအုန်းဆီ) သို့မဟုတ် ဟင်းသီးဟင်း ရွက်ဆီ (အဆင့်မြင့်စားအုန်းဆီ) ဟုလည်းကာင်း၊ အသားတင်ပမာဏနှင့် အရွယ်အစားတို့အား မြန်မာ့ အလေးချိန်ဖြစ်သော ပိဿာ၊ ကျပ်သား တို့ဖြင့်လည်းကောင်း မြန်မာဘာသာဖြင့် တိကျစွာ ဖော်ပြရမည်ဖြစ်ကြောင်း၊ ဟင်းသီးဟင်း ရွက်ဆီ တင်သွင်း၊ ထုတ်လုပ်၊ ဖြန့်ဖြူး၊ ရောင်းချမှုတို့နှင့် ပတ်သက်၍ စီးပွားရေးနှင့်ကူးသန်းရောင်း ဝယ်ရေးဝန်ကြီးဌာနမှ ထုတ်ပြန်ထားသည့် (၁/၂၀၂၁)သည် ညွှန်ကြားချက်ထုတ်ပြန်သည့် (၂၀.၁၂.၂၀၂၁)ရက်နေ့မှစ၍ (၆)လ ပြည့်မြောက် ပြီးသည့် နေ့တွင် စတင်အာဏာသက် ရောက်မည် ဖြစ်ကြောင်း၊ ညွှန်ကြားချက်အား လိုက်နာမှုမရှိပါက စားသုံးသူကာကွယ်ရေးဥပဒေအရ အရေးယူသွား မည်ဖြစ်ကြောင်း ရှင်းလင်းဆွေးနွေးခဲ့ပြီး (၁/၂၀၂၁) ညွှန်ကြားချက်စာစောင်အား စားသုံးဆီအရောင်း ဆိုင်ပိုင်ရှင်များထံ အသိပညာပေးဖြန့် ဝေခြင်းများ ဆောင်ရွက်ခဲ့ကြောင်း သိရှိရပါသည်။
စားသုံးသူရေးရာဦးစီးဌာန
စစ်ကိုင်းတိုင်းဒေသကြီး