![](http://www.doca.gov.mm/sites/default/files/styles/consumer_inner_image__847x424_/public/8.21.jpg?itok=W37nnkWA)
ဧရာဝတီတိုင်းဒေသကြီး၊ မအူပင်ခရိုင် စားသုံးသူရေးရာဦးစီးဌာနနှင့် ပန်းတနော် မြို့နယ် စီမံအုပ်ချုပ်ရေးဦးစီးဌာနတို့သည် (၂.၇.၂၀၂၄) ရက်နေ့ နံနက်(၁၀:၀၀)နာရီအချိန်က ပန်းတနော် မြို့နယ် အထွေထွေ အုပ်ချုပ်ရေးဦးစီးဌာန အစည်းအဝေးခန်းမတွင် ပန်းတနော်မြို့နယ် ဆန်ကုန်သည် များအသင်းကို ဖိတ်ကြား၍ ဆန်စက်လုပ်ငန်းရှင်များ၊ ဆန်ရောင်းချသူ ဆန်ဆိုင်လုပ်ငန်းရှင်များ အပါအဝင် (၅၆)ဦး နှင့် တွေ့ဆုံ၍ ဆန်နှင့် အခြေခံစား သောက်ကုန်များ တည်ငြိမ်ကျဆင်းရေးအတွက် ဆွေးနွေး ခဲ့ကြသည်။
အဆိုပါဆွေးနွေးပွဲအခမ်းအနားတွင် ပန်းတနော်မြို့နယ်စီမံအုပ်ချုပ်ရေး ဥက္ကဌမှ အဖွင့်အမှာ စကားပြောကြားရာ ကုန်ဈေးနှုန်းတည်ငြိမ်ကျဆင်းရေး တွေ့ဆုံဆွေးနွေးပွဲသို့ တက်ရောက်လာသူ လုပ်ငန်းရှင်များအား ကျေးဇူးတင်ရှိကြောင်း၊ အခြေခံစားသောက်ကုန်များ တည်ငြိမ်ကျဆင်း ရေးအတွက် ဆန်ကုန်သည်နှင့် ဆန်ရောင်းချသည့် ဆန်ဆိုင်လုပ်ငန်းရှင်များက ချိတ်ဆက်လုပ်ကိုင် ဆောင်ရွက်ရန် လိုအပ်ကြောင်း၊ ပန်းတနော်မြို့နယ်သို့ စီးပွားရေးရာဝန်ကြီးလာရောက် ခဲ့စဉ် လမ်းညွှန်မှာကြားချက်များအရ ဆန်၊ ဆီများ၏ ကုန်ဈေးနှုန် တည်ငြိမ်ရေးကို အဓိကထား ဆောင်ရွက်ကြရန်၊ ကျန်ရှိသော စားသောက်ကုန်များလည်း ပါဝင်သဖြင့် ဈေးနှုန် တည်ငြိမ်ရန် လိုအပ်ကြောင်း၊ မြို့နယ်အတွင်းရှိ စီးပွားရေးလုပ်ငန်းရှင်များက အမြတ်ကိုကြည့် ၍မလုပ်ပဲ၊ စီးပွားရေးဆိုပေမဲ့ မြို့ပေါ်နှင့် ကျေးရွာအခက်အခဲပြဿနာ ဖြစ်ပေါ်မှုနည်းပါးစေရန် တန်းစီရောင်း ချခြင်းမျိုးထက် ပုံမှန် ရောင်းချသည့်နေရာ၊ ဆိုင်များတွင်သာ လွတ်လပ်စွာဝယ်ယူနိုင်ရေးကို စီစဉ်ဆောင်ရွက်ကြရန်၊ အတ္တဟိတ၊ ပရဟိတစိတ်ဖြင့် ဈေးနှုန်းတည်ငြိမ်အောင် ဝိုင်းဝန်းကြိုး ပမ်းဆောင်ရွက်ရန် အမှာစကားပြောကြားခဲ့သည်။
ဆက်လက်၍ စားသုံးသူရေးရာဦးစီးဌာနမှ မအူပင်ခရိုင်ဦးစီးမှူး ဦးဇော်မင်းက တက်ရောက် လာသူများအား ရှင်းလင်းဆွေးနွေးရာ၊ ဆန်စက်နှင့် ဆန်သိုလှောင်ရုံလုပ်ငန်းရှင်များအနေဖြင့် ဆန်တန်ချိန် ၅၀ သို့မဟုတ် စပါးတင်း ၅၀၀၀နှင့်အထက် ဆန်၊စပါးသိုလှောင်ရုံ ပိုင်ဆိုင်သူ များအနေဖြင့် မဖြစ်မနေ မှတ်ပုံတင်ဆောင်ရွက်ပေးရန်ကိုလည်းကောင်း၊ လုပ်ငန်းရှင်များက ဌာနတို့၏ လမ်းညွှန်ချက်၊ သတ်မှတ်ချက်များကို လိုက်နာပူးပေါင်းဆောင်ရွက်ပေးကြရန်၊ မိမိတို့ဌာန အနေဖြင့် ဆန်၊ ဆီ ဈေးနှုန်းဖြစ်ပေါ်နေမှုကို သက်ဆိုင်ရာဌာန၊ အဖွဲ့အစည်းနှင့် ပူးပေါင်း၍ ထိန်းကြောင်း ကြပ်မတ်ဆောင်ရွက်ပေးခြင်းမျိုးသာဖြစ်ပြီး၊ ခရိုင်အတွင်း အခက်အခဲမဖြစ်ပေါ် စေရေးအတွက် လုပ်ငန်းရှင်များနှင့် တွေ့ဆုံညှိနှိုင်းပူးပေါင်းဆောင်ရွက်ရန်လိုအပ်ပါကြောင်း၊ ဆန်၊စပါးလုပ်ကိုင်ပြီဆိုလျှင် MYRO (Myanmar Rice Online) မှာ မှတ်ပုံတင်ရန် လိုအပ်ပါကြောင်း ၊ ပန်းတနော်မြို့နယ် ဆန်စက်နှင့် ဆန်သိုလှောင်ရုံ (၁၅)လုံးလည်း မှတ်ပုံတင်ပြီးဖြစ်၍ ကျန်ရှိနေသော ဆန်သိုလှောင်ရုံများ၊ ဆန်လုပ်ငန်းရှင်များလည်း သိုလှောင်ထားရှိမှု ရှိပါကလာရောက်၍ မှတ်ပုံတင် ခြင်းလုပ်ငန်းကို ဆောင်ရွက်ရန် တိုက်တွန်းလိုပါကြောင်း၊ လုပ်ငန်းရှင်တွင် သိုလှောင်ရုံ ၁လုံးရှိက ၁လုံးတင်ပြီး၊ ၂လုံးရှိပါက ၂လုံးစလုံးတင်ရမှာဖြစ်ကြောင်း၊ ဆန်စက် အကြီး၊ အလတ်၊ အငယ် စက်မှုကြီးကြပ်မှ ရရှိသောစာရင်းများအရ စက်ကြီး ၁၃စက်ရှိ၍ အကြီးစားလုပ်ငန်းမှ ဆန်တန်အိတ် ၅၀ရောင်းချပေးခြင်း၊ စက် အသေး ၄စက် ရှိ၍ အသေးစားလုပ်ငန်းမှ ဆန်တန်အိတ် ၃၀ ရောင်းချပေး ရန်ဖြစ်ကြောင်း၊ သို့သော် မြို့နယ်တွင် စက်ပိုင်နှင့် ဆန်ကုန်သည်များက ဒေသတွင် ပြည်သူများ စားသုံးမှု ဖူလုံရန်၊ ဈေးနှုန်း တည်ငြိမ်ရေးအလိုငှာ ပူးပေါင်းချိတ်ဆက်ဆောင်ရွက်ကြရန် လိုအပ်ပါကြောင်း၊ ဆန်ရောင်း ချသည့် မည်သည့်စီးပွားရေးလုပ်ငန်းရှင်မဆို ဧည့်မထအမျိုးအစား ဆန် သင့်တင်မျှတသော သတ်မှတ် ရည်ညွှန်းဈေးအပေါ် ၅ရာခိုင်နှုန်း အမြတ်တင်၍သာ ရောင်းချရန် မြို့နယ်တွင်း ဆန်ရောင်းချသည့် ဆန်ဆိုင်များတွင် အကုန်တူညီစွာ ဈေးနှုန်းကဒ်ပြားများဖြင့် ရောင်းချပေးမှသာ အဆင်ပြေချော မွေ့မည် ဖြစ်ကြောင်းကို ရှင်းလင်းဆွေးနွေးခဲ့ပြီး ဆန်ရောင်းချသည့် ဆန်ဆိုင်လုပ်ငန်းရှင်များမှ သိရှိလို သည်များ မေးမြန်းလာကြ၍ မြို့နယ်စီမံအုပ်ချုပ်ရေး ဥက္ကဌမှ ပြန်လည်ဆွေးနွေးဖြေကြားခဲ့ပြီး အစည်းအဝေး ကို နံနက် (၁၁:၀၀)နာရီအချိန်တွင် ရုတ်သိမ်းခဲ့ကြောင်း သတင်းရရှိပါသည်။
DOCA(ဧရာဝတီ)