စားသုံးသူရေးရာဦးစီးဌာန၊ သာယာဝတီ ခရိုင်ဦးစီးမှူးနှင့် မြို့နယ်တာဝန်ခံတို့သည် (၇.၃.၂၀၂၂)ရက်နေ့တွင် သာယာဝတီမြို့နယ်အတွင်း သတ်မှတ်ဈေးနှုန်းဖြင့် ရောင်းချလျက်ရှိသော ရတနာ စက်သုံးဆီဆိုင်နှင့် သုံးဆယ်မြို့ရှိ ရတနာစက်သုံးဆီဆိုင်များအား သွားရောက်၍ ရရှိထားသည့် ခွဲတမ်းဆီများအား သတ်မှတ်ဈေးနှုန်းဖြင့် ရောင်းချမှု ရှိစေရေး အချိန်အတွယ်နှင့် အရည်အသွေး ပြည့်ဝ မှန်ကန်မှုရှိစေရေးတို့ကို ဈေးကွက်စောင့်ကြည့် စစ်ဆေးခဲ့ပါသည်။
ထို့သို့ ကွင်းဆင်းစစ်ဆေးခြင်းများဆောင်ရွက်ရာတွင် ဆီဆိုင် လုပ်ငန်းရှင်များအနေဖြင့် မိမိတို့ရောင်းချသော စက်သုံးဆီနှင့် ပတ်သက်သောသတင်းအချက်အလက်များကို ပြည့်စုံ မှန်ကန်စွာဖြင့် စားသုံးသူပြည်သူများထံသို့ သတင်းဖြန့်ဝေဆောင်ရွက်သွားရန်၊ သတ်မှတ် အရည်အသွေး မပြည့်မီသော ကုန်စည်များအား အမျိုးအစားတူကုန်စည်များနှင့် ရောနှော ရောင်းချခြင်း မပြုလုပ်ကြရန်၊ မိမိတို့ရောင်းချမည့် ကုန်စည်အား အထူးဈေးနှုန်းဖြင့် သတ်မှတ် အရေအတွက်အတိုင်း ရောင်းချမည်ဆိုပါက သတ်မှတ်ချက်များ၊ ကျင့်ဝတ်စည်းကမ်းများ နှင့်အညီ ရာင်းချရန်နှင့် အချိန်အတွယ်မှန်ကန်မှုရှိစေရေး အသိပညာပေး ပြောကြား စိစစ် ဆောင်ရွက် ခဲ့ကြောင်းသိရှိရပါသည်။
စားသုံးသူရေးရာဦးစီးဌာန(ပဲခူးတိုင်းဒေသကြီး)