နေပြည်တော်ဆီကုန်သည်နှင့် ဆီလုပ်ငန်းရှင်များအသင်း၏ ပထမအကြိမ် လုပ်ငန်းညှိနှိုင်းအစည်းအဝေး ကျင်းပပြုလုပ်

          စားသုံးသူရေးရာဦးစီးဌာန၊ နေပြည်တော်ဦးစီးမှူးရုံး၌ ၂၀၂၂ ခုနှစ်၊ မတ်လ ၃၀ ရက်နေ့ နံနက် (၁၀း၀၀)နာရီတွင် နေပြည်တော်ဆီကုန်သည်နှင့်ဆီလုပ်ငန်းရှင်များအသင်း၏ ပထမအကြိမ်လုပ်ငန်း ညှိနှိုင်းအစည်းအဝေး ကျင်းပပြုလုပ်ခဲ့ပါသည်။ အဆိုပါ အစည်းအဝေးတွင် စားသုံးသူရေးရာဦးစီးဌာန မှ တာဝန်ရှိသူများနှင့် နေပြည်တော်ဆီကုန်သည်နှင့် ဆီလုပ်ငန်းရှင်များအသင်း ဥက္ကဋ္ဌ၊ ဒုတိယဥက္ကဋ္ဌများနှင့် အသင်းသား/သူများ၊ စုစုပေါင်း(၃၅)ဦး တက်ရောက်ခဲ့ပါသည်။

       ၎င်းအသင်းသည် ၂၈-၉-၂၀၂၁ ရက်နေ့တွင် ပြည်ထောင်စုနယ်မြေ၊ နေပြည်တော် အတွင်းရှိ ဆီလုပ်ငန်းရှင်(၁၉)ဦးဖြင့် ပေါင်းစုဖွဲ့စည်းထားသောအသင်းဖြစ်ပြီး အသင်းသက်တမ်းမှာ(၆)လ ကြာမြင့်ပြီ ဖြစ်ပါသည်။ ယခုအခါ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနနှင့် မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များအသင်းတို့ ပူးပေါင်း၍ စားသုံးသူပြည်သူများထံသို့ စားအုန်းဆီများ ကို သက်သာသော အထူးဈေးနှုန်းဖြင့် ဖြန့်ဖြူးရောင်းချပေးလျက်ရှိကြောင်း သိရှိ ရပါသည်။

           အဆိုပါ အစည်းအဝေးတွင် အသင်းဝင်များက အသင်း၏(၆)လတာ ကာလအတွင်း လုပ်ငန်း ဆောင်ရွက်ချက်များ၊ ရှေ့ဆက်လက်ဆောင်ရွက်မည့် လုပ်ငန်းများနှင့်ပတ်သတ်၍ ညှိနှိုင်းဆွေးနွေးခဲ့ကြောင်း သတင်းရရှိပါသည်။