မကွေးတိုင်းဒေသကြီး၊ ပခုက္ကူခရိုင်အတွင်းရှိ ပခုက္ကူမြို့သည် မိမိဒေသမှ စိုက်ပျိုးထွက်ရှိသော ဆီထွက်သီးနှံနှင့် ပဲမျိုးစုံများအပြင် အခြားတိုင်းဒေသကြီးအတွင်းရှိ မြို့နယ်များမှထွက်ရှိသော သီးနှံမျိုးစုံ ပခုက္ကူဈေးကွက်သို့ ဝင်ရောက်အရောင်းအဝယ်ဖြစ်လျက်ရှိခြင်းကြောင့် ပခုက္ကူမြို့သည် စီးပွားရေး အချက်အချာကျ၍ ကုန်သွယ်မှုလုပ်ငန်းများဖွံ့ဖြိုးတိုးတက်လျက်ရှိသည်။ ၂၀၂၄ခုနှစ်၊ စက်တင်ဘာလ (စတုတ္ထပတ်)တွင် ပခုက္ကူမြို့ ပဲဈေးကွက်တွင် ကုလားပဲသီးနှံအရောင်းအဝယ်သွက်လျက်ရှိကြောင်း၊ ကုလားပဲလက်ကျန်နည်းသော်လည်း အမြင့်ဈေးဖြင့် ဈေးငြိမ်၍ အရာင်းအဝယ်ဖြစ်လျက်ရှိကြောင်းသိရှိရသည်။
စက်တင်ဘာ(စတုတ္ထပတ်)တွင် ဖြစ်ပေါ်နေသော ကုလားပဲဈေးနှုန်းများမှာ ကုလားပဲ(929) တစ်တင်းလျှင် ကျပ်(၉၈၀၀၀)၊ ကုလားပဲ(V6) တစ်တင်းလျှင် ကျပ်(၁၁၅၀၀၀)၊ ကုလားပဲ(V2) တစ်တင်းလျှင် ကျပ်(၁၀၆၀၀၀)၊ ကုလားပဲ(HL) တစ်တင်းလျှင် ကျပ်(၉၂၀၀၀)၊ ကုလားပဲခြမ်းတစ်တင်းလျှင် ကျပ်(၁၃၆၀၀၀)ဈေးဖြင့် အရောင်းအဝယ်ဖြစ်လျက်ရှိကြောင်းသိရသည်။ ယခုအချိန်တွင် ပြည်တွင်း၌ ပဲစားသုံးမှုမြင့်မားလျက်ရှိ၍ ကုလားပဲခြမ်းများ အရောင်းအဝယ်သွက်လျက်ရှိကြောင်း၊ ဈေးနှုန်းနှိုင်းယှဉ်ပါက တစ်လအတွင်း ကုလားပဲတစ်တင်းလျှင် ကျပ်(၁၀၀၀)ခန့်ဈေးတက်၍ အရောင်းအဝယ်ဖြစ်လျက်ရှိကြောင်း၊ ဒေသတွင်းဈေးကွက်တွင် ကုလားပဲလက်ကျန်နည်းနေသော်လည်း လာမည့်အောက်တိုဘာလတွင် ပဲ(အသစ်)များ စိုက်ပျိုးချိန်ရာသီနီး၍ ကုလားပဲဈေးကွက်ကျဆင်းခြင်းမရှိဘဲ ဆက်လက်မြင့်တက်နိုင်ကြောင်း၊ စက်တင်ဘာလ(စတုတ္ထ)ပတ်တွင် ကုလားပဲသီးနှံမှာ ပြည်တွင်းဝယ်လိုအားကောင်း၍ အရောင်းအဝယ်သွက်ပြီး ပြည်ပတင်ပို့မှုမရှိကြောင်း ပဲမျိုးစုံရောင်းဝယ်ရေးဈေးကွက်မှသိရှိရပါသည်။
DOCA(မကွေး)