ပဲခူးတိုင်းဒေသကြီး၊ သာယာဝတီခရိုင်၊ ကြို့ပင်ကောက်မြို့နယ်၊ ဉက္ကံကျေးရွာတွင် စိုက်ပျိုးရေးဦးစီးဌာန၊ စက်မှုလယ်ယာ၊ တိမွေးကုဌာန၊ စားသုံးသူရေးရာဦးစီးဌာနတို့ပူးပေါင်း၍ စိုက်ပျိုးရေးထုတ်ကုန်ဖွံဖြိုးတိုးတက်ရေး သင်တန်းဟောပြောပွဲ ကျင်းပခြင်းအား (၄.၄.၂၀၂၂) ရက်နေ့ နေ့လည် (၁:၀၀)အချိန်တွင် မြို့နယ်တာဝန်ခံနှင့် ဝန်ထမ်းတစ်ဉီးတို့မှ စားသုံးသူကာကွယ်ရေးအသိပညာပေး ဟောပြောခြင်းများကို တောင်သူ(၅၃) ဦးနှင့် ဟောပြောပွဲပြုလုပ်ခဲ့ပါသည်။
စားသုံးသူပြည်သူများ ကျေးရွာအတွင်းရှိ ဈေးကွက်အတွင်းဝယ်ယူရောင်းချနေသော ပစ္စည်းများတွင်ကုန်အညွှန်းအမှတ်အသားများ ပြည့်စုံစွာပါရှိမှသာ ဝယ်ယူသုံးစွဲသင့်ကြောင်း၊ ဟင်းသီးဟင်းရွက်ဆီ (စားအုန်းဆီ)၊ ဟင်းသီးဟင်းရွက်ဆီ(အဆင့်မြင့်စားအုန်းဆီ) ကုန်စည်၏ အသားတင်ပမာဏနှင့် အရွယ်အစားအား မြန်မာအလေးချိန်ယူနစ်ဖြစ်သော ပိဿာ၊ ကျပ်သားတို့ကို မြန်မာဘာသာဖြင့် ဖော်ပြရမည်ဖြစ်ကြောင်း၊ ဝယ်ယူသုံးစွဲရာတွင် သတိထား၍ ဝယ်ယူသုံးစွဲကြရန် အသိပညာပေး ဟောပြောခဲ့ပြီး စားသုံးသူ နစ်နာမှုရှိခဲ့လျှင်လည်း ရရှိနိုင်သည့်အခွင့်အရေးများကိုပါ အသိပညာပေး ဟောပြောခဲ့ပါသည်။ တက်ရောက်လာသူ တောင်သူ(၅၃)ဦးတို့ကိုလည်း သိလိုသည်များကို ပြန်လည်ဆွေးနွေးစေခဲ့ပြီး စားသုံးသူအသိပညာပေး လက်ကမ်းစာစောင်များအား ဖြန့်ဝေခဲ့ပါကြောင်း သတင်းရရှိပါသည်။
DOCA(ပဲခူး)