ပဲခူးတိုင်းဒေသကြီး၊ စားသုံးသူရေးရာဦးစီးဌာန ၊ ဒိုက်ဦးမြို့နယ်တာဝန်ခံ ဦးမျိုးမြင့်သည် ဒိုက်ဦးမြို့နယ် စည်ပင်သာယာရေးအဖွဲ့ ၊ ဒိုက်ဦးမြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့မှ တာဝန်ရှိသူများနှင့်အတူ ဧပြီလ ၁ရက်နေ့ နေ့လယ်ပိုင်းက ဒိုက်ဦးမြို့ဝင်လမ်းရှိ ၂၄နာရီ ကုန်မျိုးစုံအရောင်းဆိုင်များသို့ သွားရောက်၍ ဆိုင်ခန်းအတွင်း ရောင်းချနေသော ကုန်ပစ္စည်းများတွင် မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် ၂/၂၀၁၉ နှင့်အညီ ကုန်အညွှန်းအမှတ်အသားပြည့်စုံမှု ရှိ၊ မရှိကို စျေးကွက်စောင့်ကြည့် စစ်ဆေးခဲ့ပါသည်။
အရောင်းဆိုင်များမှ တာဝန်ရှိသူများအား မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက် အမှတ် ၂/၂၀၁၉ နှင့် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ ညွှန်ကြားချက်အမှတ် ၁/၂၀၂၁ တို့ကို ရှင်းလင်းဆွေးနွေးပြီး မြန်မာဘာသာဖြင့် ဖော်ပြရန်သတ်မှတ်ထားသည့် ကုန်အညွှန်းအမှတ်အသား ပြည့်စုံစွာ ဖော်ပြထားခြင်းမရှိသော ကုန်ပစ္စည်းများအား ရောင်းချခြင်းမပြုရန်နှင့် စားသုံးသူများအား ဘေးအန္တရာယ်ကင်းရှင်းသော ထုတ်ကုန်ပစ္စည်းများသာ ရောင်းချရန် အကြံပြုမှာကြားခဲ့ကြောင်း သတင်းရရှိပါသည်။
DOCA(ပဲခူး)