စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ ဦးဘောမ်ဇုန်း(ရုံးအုပ်)သည် ၁၉.၄.၂၀၂၂ရက်နေ့တွင် ဝိုင်းမော်မြို့၊နန့်ဝါကျေးရွာတွင် ကုန်စုံဆိုင်ရောင်းချသော လုပ်ငန်းရှင်များနှင့် တွေ့ဆုံ၍ စားသုံးသူကာကွယ်ရေးဆိုင်ရာများ အသိပညာပေးဆွေးနွေးခဲ့ပါသည်။
အသိပညာပေးဆွေးနွေးရာတွင် စားသုံးသူကာကွယ်ရေးဥပဒေပြဋ္ဌာန်းချက်ပါ အဓိပ္ပာယ်ဖွင့်ဆိုချက်များ၊ စီးပွားရေးလုပ်ငန်းရှင်၏ တာဝန်များ၊ ကုန်စည်/ဝန်ဆောင်မှုနှင့် စပ်လျဉ်း၍ အာမခံချက်ပေးခြင်း၊ ကုန်စည် သို့မဟုတ် ဝန်ဆောင်မှုအပေါ်တာဝန်ရှိမှု ၊စားသုံးသူကာကွယ်ရေးဥပဒေအခန်း(၁၈) ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ သတ်မှတ်ချက်နှင့် အညီ သိသာထင်းရှားစွာဖော်ပြရမည့်အချက်များ၊ ကုန်စည်များကို ကုန်အညွှန်းအမှတ်အသား ပြည့်စုံစွာဖော်ပြမှသာ ဈေးကွက်အတွင်းရောင်းချခွင့် ရှိမည်ဖြစ်ကြောင်း၊ စီးပွားရေးလုပ်ငန်းရှင် များ၏ တားမြစ်ချက်များ၊ တားမြစ်ချက်တစ်ရပ်ရပ်ကိုဖောက်ဖျက် ကျူးလွန်ပါကချမှတ်နိုင်သည့် ပြစ်မှု၊ ပြစ်ဒဏ်များ အကြောင်းတို့ကိုရှင်းလင်း ဆွေးနွေးခဲ့ပြီး စားသုံးသူကာကွယ်ရေးအသိပညာပေး လက်ကမ်းစာစောင်များ ဖြန့်ဝေခဲ့ပါသည်။
DOCA(ကချင်)