စားသုံးသူရေးရာဦးစီးဌာန ၊ ပဲခူးတိုင်းဒေသကြီး၊ ကျောက်တံခါးမြို့နယ် တာဝန်ခံ ဒေါ်တင်တင်စန်းဦးဆောင်၍ ကျောက်တံခါး မြို့နယ်တာဝန်ခံရုံးမှ ဝန်ထမ်းများသည် ကေျာက်တံခါးမြို့ပေါ်ရှိ စက်ဆီ ၊ ချောဆီနှင့် ဆက်စပ် ရေနံထွက်ပစ္စည်း ရောင်းချနေသာ အရောင်းဆိုင်များအား ဧပြီလ ၁၉ ရက်နေ့ နံနက်ပိုင်းက စက်ဆီ ၊ ချောဆီနှင့် ရေနံထွက်ပစ္စည်း အတုအပများ ရောင်းချမှုမရှိစေရေး ကွင်းဆင်းကြည့်ရှု စစ်ဆေးခဲ့ပါသည်။
အဆိုပါ ကွင်းဆင်းစစ်ဆေးခြင်းများ ဆောင်ရွက်ရာတွင် ကျောက်တံခါးမြို့နယ်တာဝန်ခံမှ လုပ်ငန်းရှင်များအနေဖြင့် တရားမဝင် စက်ဆီ ၊ ချောဆီနှင့် ဆက်စပ်ရေနံထွက်ပစ္စည်းများ တင်သွင်း ၊ ထုတ်လုပ် ၊ ဖြန့်ဖြူးရောင်းချခြင်းမပြုရန် ၊ သုံးစွဲရန်မသင့်သော အရည်အသွေးညံ့သည့် စက်ဆီ ၊ ချောဆီများကို တရားဝင် ခွင့်ပြုချက်လိုင်စင်မရှိဘဲ ရေသန့်ဘူးများတွင် အမှတ်တံဆိပ်များ ထည့်သွင်း၍ Online တွင် ကြော်ငြာ၍ ရောင်းချဖြန့်ဖြူးခြင်းများ မပြုရန် ၊ လုပ်ငန်းရှင်များ သိရှိ လိုက်နာသင့်သည့် စားသုံးသူကာကွယ်ရေးဥပဒေပါ အကြောင်းအရာများအား ရှင်းလင်းပြောကြားခဲ့ကြောင်း သိရှိရပါသည်။
DOCA(ပဲခူး)