အင်းလေးသည် ရှမ်းပြည်နယ်(တောင်ပိုင်း)၊ တောင်ကြီးခရိုင်၊ ညောင်ရွှေမြို့နယ်၏ တောင်မြောက်သွယ်တန်းလျက်ရှိသော တောင်တန်းကြီးနှစ်ခုကြားတွင်ရှိပြီး ညောင်ရွှေချိုင့်ဝှမ်း တွင်တည်ရှိကြောင်းသိရှိရပါသည်။
၂၀၂၄ခုနှစ်၊ မိုးရာသီတွင် အင်းလေးကန်သည် မုန်တိုင်းများကြောင့် မိုးအဆမတန်ရွာသွန်းခဲ့သဖြင့် ယခင်နှစ်များထက် ရေအဆမတန်မြင့်တက်လာပြီး အင်းလေးဒေသရှိ ကျေးရွာပေါင်း(၂၀၀) ကျော်မှာ မကြုံစဖူးရေလွှမ်းမိုးခြင်းခံရကြောင်းသိရှိရပါသည်။
ယခုအခါရေများပြန်လည်ကျဆင်းသွားပြီး အင်းလေးကန်အား ပြန်လည်ပြုပြင်မွမ်းမံလျက်ရှိကာ လာရောက်လည်ပတ်သူများ၊ ဈေးရောင်းချသူတို့နှင့် တစ်ဖန်ပြန်လည်စည်ကားနေကြောင်းသိရှိရပါသည်။
အင်းလေးကန်ရှိ တန်ခိုးကြီးဖောင်တော်ဦးဘုရားမှာလည်း လာရောက်ဖူးမြှော်သူများဖြင့် စည်ကားနေကြောင်းသိရှိရပါသည်။
DOCA(ရှမ်း)