ဧရာဝတီတိုင်းဒေသကြီး၊ ဝါးခယ်မမြို့နယ်၏ မြေဩဇာကောင်းမွန်သော သဲမြေ၊ နုန်းမြေပေါ်တွင် ငရုတ်သီးစိုက်ပျိုးရန် အကောင်းဆုံးဖြစ်ပြီး ဟင်းခတ်အမွှေးအကြိုင်သီးနှံ၌ မပါမဖြစ်သုံးစွဲနေသော ငရုတ်သီးကို ပြည်ပသို့တင်ပို့ရန်နှင့် ပြည်တွင်းသုံးစွဲရန်တို့အတွက် နှစ်စဉ် မိုးရာသီနှင့် ဆောင်းရာသီတို့တွင် စိုက်ဧက (၁၂၀၀၀) ခန့်စိုက်ပျိုးလျက်ရှိကြောင်းသိရသည်။
ဝါးခယ်မမြို့ဈေးကွက်၌ ယခင်နှစ် ဆောင်းငရုတ်နဲ့ နွေငရုတ်သီးခြောက်များပေါ်သည့်အချိန်၏ ငရုတ်အခြောက်ဈေးနှုန်းမှာ ယခင်နှစ်တွင် (၁) ပိဿာလျှင် ကျပ် (၁၀၀၀၀/ ၁၂၀၀၀) ဈေးဖြင့် အရောင်းအဝယ်ဖြစ်ခဲ့ရှိသော်လည်း ယခုနှစ် ငရုတ်သီးဈေးနှုန်းမှာ (၁) ပိဿာလျှင် ကျပ် (၇၀၀၀) ခန့်ဈေးရရှိသည့်အတွက် ငရုတ်အခြောက်စိုက်ပျိုးသော တောင်သူများ အရှုံးပေါ် လျက်ရှိကြောင်း၊ ငရုတ်သီးအခြောက်ဈေးနှုန်းကျဆင်းနေသော်လည်း သွင်းအားစု၊ လုပ်သားငှားရမ်းခနှင့် ကားတင်စရိတ်တို့မှာ ပုံမှန်ထက် ၂ဆနီးပါးဈေးပေးနေရကြောင်း၊ ရန်ကုန်မှတစ်ဆင့် ပြည်ပဈေးကွက်ဖြစ်သော ထိုင်းနိုင်ငံ၊ တရုတ်နိုင်ငံနဲ့ စင်ကာပူနိုင်ငံများသို့ တင်ပို့ရောင်းချနေကြောင်း ငရုတ်သီးအခြောက်ဈေးကွက်မှသိရပါသည်။
DOCA(ဧရာဝတီ)