မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေးတွင် ကြက်ဥ၊ ဘဲဥ၊ ငုံးဥနှင့်ဆေးဘဲဥများကို မကွေးမြို့နှင့် မန္တလေးမြို့တို့မှ မှာယူရောင်းချလျက်ရှိကြောင်း သိရှိရပါသည်။
၂၀၂၄ခုနှစ်၊ အောက်တိုဘာလ(စတုတ္ထပတ်)တွင် ကြက်ဥအလုံးကြီး(၁၀)လုံးလျှင် ကျပ်(၃၈၀၀ -၄၀၀၀)၊ အလုံး အလတ် (၁၀)လုံးလျှင် ကျပ်(၃၅၀၀)၊ ဘဲဥ(၁၀)လုံးလျှင် ကျပ်(၆၀၀၀)၊ ငုံးဥ(၁၅)လုံးလျှင် ကျပ် (၁၀၀၀)၊ ဆေးဘဲဥ(၁၀)လုံးလျှင် ကျပ်(၇၀၀၀)ဈေးနှုန်းများဖြင့် အရောင်းအဝယ်ဖြစ်လျက်ရှိပြီး ယခင် (တတိယပတ်)နှင့်နှိုင်းယှဉ်လျှင် ယခုတစ်ပတ်တွင် ကြက်ဥ ကျပ်(၄၀၀ မှ ၅၀၀)၊ ဘဲဥ ကျပ် (၁၀၀၀)၊ ဆေးဘဲဥ ကျပ်(၂၀၀၀)ဈေးနှုန်းမြင့်တက်ခဲ့ပြီး ငုံးဥမှာဈေးနှုန်းတည်ငြိမ်လျက်ရှိကြောင်း၊ ဥစားကြက်မွေးမြူးရေးခြံများ၌ ကြက်ဥအထွက်နှုန်းလျော့ကျလာခြင်းအပြင် သယ်ယူစရိတ်မြင့်မားခြင်းကြောင့် ကြက်ဥ၊ ဘဲဥနှင့် ဆေးဘဲဥဈေးနှုန်းများမှာ မြင့်တက်ရခြင်းဖြစ်ကြောင်း ဇေယျာသီရိဈေးအတွင်းမှ သိရှိရပါသည်။
DOCA(မကွေး)