“ နေကြာသီးနှံ တိုးချဲ့ စိုက်ပျိုးခြင်းဖြင့် စားသုံးဆီ ဖူလုံရေးဆောင်ရွက်ကြပါစို့”

             မြန်မာတို့သည် ဆီကိုလိုအပ်သည်ထက် ပိုမိုထည့်သွင်းစားသုံးတတ်သည့် လူမျိုးဖြစ်သည့်အလျောက် မြန်မာနိုင်ငံမှာ ဆီစားသုံးမှု မြင့်မားသော နိုင်ငံတစ်ခုအဖြစ် ရပ်တည်နေပါသည်။ ထိုသို့သုံးစွဲမှု ပမာဏကို ဖြည့်တင်းနိုင်ရန်အတွက် ပြည်တွင်းဆီ ထုတ်လုပ်မှု သာမက ပြည်ပမှ ဆီအမျိုးမျိုးကို နှစ်စဉ်ဆီတန်ချိန် ကိုးသိန်းခန့်တင်သွင်းနေရပါသည်။ ယခုအခါတွင် ကမ္ဘာ့စီးပွားရေး ဂယက် ရိုက်ခတ် မှုများကြောင့် ပြည်ပမှတင်သွင်းသည့် စားသုံးဆီကို မှီခိုအားထားရခြင်း ၊  စျေးနှုန်းများ မြင့်မားခြင်း ၊ ထိုဖြစ်ရပ်များကို ကာကွယ်ပေးနိုင်ရန်အတွက် ပြည်တွင်း၌ စျေးနှုန်းသက်သက်သာသာဖြင့် စားသုံးဆီထုတ်လုပ်နိုင်ရန် လိုအပ်လျှက်ရှိပါသည်။

          မြန်မာနိုင်ငံတွင် စားသုံးဆီ ( ဆီအုန်း ၊ မြေပဲ ၊ နှမ်း ၊ နေကြာ ၊ ပဲပုတ် )စသော ဆီအမျိုးမျိုးကို ထုတ်လုပ် နိုင်သော်လည်း နေကြာဆီသည် အခြားသော ဆီအမျိုးအစားများထက် ထုတ်လုပ်မှု ကုန်ကျစရိတ် သက်သာသော ဆီအမျိုးအစားတစ်မျိုးဖြစ်ပါသည်။ နေကြာသီးနှံသည် ပြည်တွင်း စားသုံးမှု ဖူလှုံရန်အတွက် တိုးချဲ့လုပ်ဆောင်သင့်သော သီးနှံအမျိုးအစား တစ်မျိုးဖြစ်ပြီး ပြည်ပမှ စားသုံးဆီ တင်သွင်းမှုကို လျော့ချပေးနိုင်သော အစားထိုးကုန်စည်တစ်မျိုးဖြစ်ပါသည်။ ထို့ကြောင့် နိုင်ငံ၏ နိုင်ငံခြားငွေ ယိုစိမ့်မှုအား ကာကွယ်ရန်အတွက် နေကြာသီးနှံအား တိုးချဲ့စိုက်ပျိုးကြစေရေး တိုက်တွန်းတင်ပြရခြင်း ဖြစ်ပါသည်။

ပဲခူးတိုင်း၏ နေကြာသီးနှံစိုက်ပျိုးထွက်ရှိမှုနှင့် တိုးချဲ့ထုတ်လုပ်မှုအခြေအနေ

          ပြည်တွင်း၌ စားသုံးဆီဖူလုံရေးနှင့် အလုပ်အကိုင်အခွင့်အလမ်းများ တိုးပွားစေရေးတို့အတွက် ဆီထွက်သီးနှံ ကဏ္ဍ ဖွံ့ဖြိုးတိုးတက်စေရန် ပဲခူးတိုင်းဒေသကြီးအတွင်း စီစဉ်ဆောင်ရွက်လျက်ရှိသဖြင့် ပဲခူးတိုင်းဒေသကြီးအတွင်း နေကြာသီးနှံကို သီးသန့်သီးညှပ်အဖြစ် စိုက်ပျိုးလျက်ရှိရာ ၂၀၂၀-၂၀၂၁ ခုနှစ်တွင် ဆောင်းသီးနှံနေကြာ (၄၅၈) ဧကစိုက်ပျိုးပြီး အထွက်နှုန်း (၁၇.၆၀) တင်းနှုန်းဖြင့် (၆၄၁၁)တင်း ထွက်ရှိခဲ့ပြီး ၊ ယခုနှစ် ၂၀၂၁-၂၀၂၂ ခုနှစ်တွင် ဆောင်းသီးနှံနေကြာကို (၅၈၅၀) ဧကစိုက်ပျိုးနိုင်ခဲ့ပြီး ရိတ်သိမ်းပြီးဖြစ်၍ ခန့်မှန်းအထွက်နှုန်း (၁၅.၁၉) တင်းဖြင့် (၅၅၀၄၈)တင်း ခန့်မှန်းထွက်ရှိသည့်စာရင်းနှင့် ၂၀၂၂-၂၀၂၃ ဘဏ္ဍာနှစ်အတွက် ပဲခူးတိုင်းဒေသကြီး အနေဖြင့် မိုးဆောင်း နေကြာသီးနှံကို (၈၅၅၈၄) ဧကစိုက်ပျိုးရန် ခရိုင်အလိုက် လျာထားချက် အခြေအနေအား အောက်ပါ အတိုင်း တွေ့မြင်နိုင်ပါသည် -

၂၀၂၁-၂၀၂၂ ဘဏ္ဍာနှစ်၊ နေကြာ(ဆောင်း) စိုက်ပျိုးထွက်ရှိမှုအခြေအနေ

ပဲခူးတိုင်းဒေသကြီး

စဉ်

ခရိုင်

စိုက်ဧက

ရိတ်ဧက

အထွက်နှုန်း (တင်း)

အထွက် (တင်း)

ညီမျှအထွက် (တန်)

၁

ပဲခူး

၂၀၀၆

၁၀၈

၁၅.၄၃

၁၆၆၇

၂၄.၅၀

၂

တောင်ငူ

၁၇၆၃

၁၇၅၇

၁၃.၂၃

၂၃၂၄၈

၃၄၁.၆၈

၃

ပြည်

၄၅၉

၃၉၂

၁၇.၉၁

၇၀၂၂

၁၀၃.၂၀

၄

သာယာဝတီ

၁၆၂၂

၁၃၆၇

၁၆.၉

၂၃၁၁၁

၃၃၉.၆၇

စုစုပေါင်း

၅၈၅၀

၃၆၂၄

၁၅.၁၉

၅၅၀၄၈

၈၀၉.၀၅

၂၀၂၂-၂၀၂၃ ဘဏ္ဍာနှစ်၊ နေကြာစိုက်ပျိုးရန် လျာထားချက်စာရင်း

ပဲခူးတိုင်းဒေသကြီး

စဉ်

ခရိုင်

ဆောင်းစိုက်ဧက

စုစုပေါင်းစိုက်ဧက

သီးသန့်

သီးညှပ်

စုစုပေါင်း

သီးသန့်

သီးညှပ်

စုစုပေါင်း

၁

ပဲခူးခရိုင်

၂၈၀၈

၁၀၆၃၀

၁၃၄၃၈

၂၈၀၈

၁၀၆၃၀

၁၃၄၃၈

၂

တောင်ငူခရိုင်

၆၇၀

၂၂၉၈၀

၂၃၆၅၀

၆၇၀

၂၂၉၈၀

၂၃၆၅၀

၃

ပြည်ခရိုင်

၁၆၃၉

၁၀၁၁၀

၁၁၇၄၉

၁၆၃၉

၁၀၁၁၀

၁၁၇၄၉

၄

သာယာဝတီခရိုင်

၂၄၉၆

၃၄၂၅၁

၃၆၇၄၇

၂၄၉၆

၃၄၂၅၁

၃၆၇၄၇

စုစုပေါင်း

၇၆၁၃

၇၇၉၇၁

၈၅၅၈၄

၇၆၁၃

၇၇၉၇၁

၈၅၅၈၄

 

နေကြာစိုက် တောင်သူများ၏ တစ်ဧကအပေါ် ရရှိနေသည့် အကျိုးအမြတ်

နေကြာကို ဧကလိုက်စိုက်ပျိုးထုတ်လုပ်မည်ဆိုပါက တစ်ဧကလျှင် စိုက်ပျိုးထုတ်လုပ်မှု ကုန်ကျစရိတ် အနေဖြင့် (၃၄၉၂၀၀) ကျပ်ခန့်ရှိပြီး ၊ အထွက်နှုန်းအနေဖြင့် လက်ရှိမြေပြင်အမှန် ထွက်ရှိမှု အခြေအနေအရ တစ်ဧကလျှင် (၁၇)တင်း ခန့်သာထွက်ရှိပါသဖြင့် တစ်ဧကစိုက်ပျိုး ထုတ်လုပ်မှု ကုန်ကျစရိတ် အသေးစိတ် မှာ အောက်ပါအတိုင်းဖြစ်ပါသည်-

 

(၁)	စိုက်ခင်း‌မြေပြုပြင်ခြင်း		၆၅၀၀၀
(၂)	စိုက်ပျိုးခြင်းနှင့်ပြုပြင်ခြင်း		၈၅၀၀၀
(၃)	ရိတ်သိမ်းသယ်ယူချွေလှေ့ခြင်း		၁၁၄၀၀၀
(၄)	သွင်းအားစု		၈၅၂၀၀
(၅)	စုစုပေါင်းကုန်ကျစရိတ်		၃၄၉၂၀၀
(၆)	တစ်ဧကပျှမ်းမျှအထွက်တင်း		၁၇
(၇)	တစ်တင်းရောင်းစျေး		၂၅၀၀၀
(၈)	တစ်ဧကဝင်ငွေ		၄၂၅၀၀၀
(၉)	တစ်ဧကအကျိုးအမြတ်		၇၅၈၀၀
(၁၀)	တစ်ဧကအကျိုးအမြတ်ရာခိုင်နှုန်း		၂၁.၇၀%

 

နေကြာစျေးကွက် အခြေအနေ

       နေကြာစိုက် တောင်သူများအနေဖြင့် ထွက်ရှိလာသော နေကြာစေ့များကို နီးစပ်ရာပွဲရုံသို့လည်းကောင်း ၊ ဆီစက်များ၌လည်းကောင်း ၊ တိုက်ရိုက်ရောင်းချခြင်း ၊ ဆီစက်များတွင် အခကြေးငွေပေး၍ ဆီကြိတ်ခွဲထုတ်လုပ်၍ ဆီအဖြစ် ရောင်းချခြင်းများရှိခဲ့ကြပါသည်။ ပဲခူးတိုင်းဒေသကြီးအနေဖြင့် နေကြာစိုက်ပျိုးထုတ်လုပ်မှုနှင့် နေကြာဆီ ကြိတ်ခွဲထုတ်လုပ်မှု လုပ်ငန်းများ ရပ်ဆိုင်းခဲ့သည်မှာ (၁၀)စုနှစ် တစ်စုကျော်ပြီဖြစ်ပြီး နောက်ပိုင်းတွင် ပြည်ပမှ စားအုန်းဆီများ ဈေးနှုန်းချိုသာစွာဖြင့် တင်သွင်းလာပြီး အဆိုပါ နေကြာဆီကို စားသုံးမှုလျော့နည်း လာသည်နှင့်အညီ နေကြာစိုက်ပျိုး ထုတ်လုပ်သူ၊ နေကြာဆီကြတ်ခွဲ ထုတ်လုပ်သူများ   မရှိသလောက်နည်းပါးသွားကြောင်း လေ့လာသိရှိ ရပါသည်။ ယခုနှစ်ပိုင်းမှသာ  ပြည်ပမှ တင်သွင်းသည့်   စားအုန်းဆီများ   ဈေးနှုန်းကြီးမြင့်လာသဖြင့်   မြေပဲ၊  နှမ်း  အပါအဝင် နေကြာဆီ ကြိတ်ခွဲမှု အနည်းငယ်တိုးလာကြောင်း သိရှိရပါသည်။

နေကြာဆီ ကြိတ်ခွဲထုတ်လုပ်မှုအခြေအနေ

       ပဲခူးတိုင်းဒေသကြီးအတွင်း တောင်ငူခရိုင်တွင်  တောင်သူများ သီးညှပ်စိုက်ပျိုးထွက်ရှိသော နေကြာ သီးနှံများကို ဆီစက်များတွင် နဝလီကြိတ်ခွဲခြင်းသာရှိပြီး ၊ ပြည်ခရိုင်တွင် ပြည်မြို့ရှိ ဒေါ်လာဆီစက်ဖြင့် နေကြာဆီအနည်းငယ်ကြိတ်ခွဲထုတ်လုပ်မှုရှိပြီး ကုန်ကြမ်းနေကြာကို အခြားပြည်နယ်/တိုင်းများမှ ဝယ်ယူရရှိ၍ စျေးနှုန်းအနေဖြင့် တစ်တင်းလျှင် (၂၅၀၀၀)ကျပ် ဝယ်ယူကြိတ်ခွဲရပါသည်။ နေကြာဆီ ကြိတ်ခွဲထုတ်လုပ်ပါက ခြောက်သွေ့သောနေကြာစေ့ကို ဆီကြိတ်စက်တွင် ပဲဆီ ၊ နှမ်းဆီကြိတ်သကဲ့သို့ ကြိတ်ခွဲထုတ်လုပ်ပြီး နေကြာတစ်တင်းလျှင် ပိဿာချိန်အနေဖြင့် (၉) ပိဿာရှိ၍ ဆီကြိတ်ထွက်နှုန်း အနေဖြင့် နေကြာတစ်ပိသာလျှင် ဆီ (၃)ပိဿာခန့်ထွက်ရှိပြီး နေကြာကြိတ်ဖတ်အနေဖြင့် (၅)ပိဿာ ကျော်ခန့် ထွက်ရှိသဖြင့် ၂၀၂၁ - ၂၀၂၂ ဘဏ္ဍာနှစ် နေကြာဆီ ကြိတ်ခွဲထုတ်လုပ်နိုင်မှု အခြေအနေအား အောက်ပါအတိုင်း တွေ့မြင်နိုင်ပါသည်-

၂၀၂၁-၂၀၂၂ ဘဏ္ဍာနှစ်၊ နေကြာဆီ ကြိတ်ခွဲနိုင်မှုအခြေအနေ
ပဲခူးတိုင်းဒေသကြီး
စဉ်	လအမည်	ကုန်ကြမ်းသုံးစွဲမှု အခြေအနေ	ကြိတ်ခွဲထုတ်လုပ်မှု အခြေအနေ (ဆီပိဿာ)	ဈေးကွက်အတွင်း နေကြာဆီဖြန့်ဖြူး ရောင်းချမှု အခြေအနေ
၁	ဇန်နဝါရီ	၃၂၀၀	၈၁၅၀	ဒေသတွင်းထွက်ရှိမှုနှင့်နေကြာစိုက်ပျိုးသည့်အခြားတိုင်း/ပြည်နယ်များမှဝယ်ယူရရှိသည့်
၂	ဖေဖော်ဝါရီ	၇၉၀၀	၁၉၉၀၀	ကုန်ကြမ်းများဖြစ်ပါသည်။
၃	မတ်	၆၈၀၀	၁၇၁၅၀	နေကြာဆီများကို ဒေသတွင်းသာ ရောင်းချရပြီး စားသုံးသူ ကြိုက်နှစ်သက်မှုနည်းပါးပါသည်။
၄	ဧပြီ	၂၇၀၀	၆၉၀၀	ကုန်ကြမ်း ၁ တင်း = ၂၅၀၀၀ ကျပ်
၅	မေ	၃၀၀	၉၀၀	ဆီ ၁ ပိဿာ          = ၉၀၀၀ ကျပ်
၆	ဇွန်	၃၀၀	၉၀၀
၇	ဇူလိုင်	၃၀၀	၉၀၀
၈	ဩဂုတ်	၃၀၀	၉၀၀
၉	စက်တင်ဘာ	၃၀၀	၉၀၀
၁၀	အောက်တိုဘာ	၃၀၀	၉၀၀
၁၁	နိုဝင်ဘာ	၃၀၀	၉၀၀
၁၂	ဒီဇင်ဘာ	၃၀၀	၉၀၀
	စုစုပေါင်း	၂၃၀၀၀	၅၉၃၀၀

နေကြာဆီ စျေးနှုန်း ၊ စျေးကွက် အခြေအနေ

       ပဲခူးတိုင်းဒေသကြီးအတွင်း ကြိတ်ခွဲထွက်ရှိသော နေကြာဆီတစ်ပိဿာလျှင် လတ်တလောအနေဖြင့် (၈၅၀၀)နှင့် (၉၀၀၀)ကျပ်အကြား ရောင်းချလျှက်ရှိပြီး ယခုစျေးကွက်တွင် ဖြန့်ဖြူး‌ရောင်းချသော နေကြာဆီများမှာ ပြည်ပမှ တင်သွင်းသည့် ကုမ္ပဏီများထံမှ တိုက်ရိုက်ရောင်းချခြင်းဖြစ်သည့်အတွက် စျေးနှုန်းအနေဖြင့် (၉၀၀၀)နှင့် (၉၅၀၀)ကျပ်ဖြင့် ရောင်းချလျက်ရှိပါသည်။ စျေးကွက်အနေဖြင့် ကြိုက်နှစ်သက်မှု နည်းပါးသည့်အတွက် အနည်းငယ်သာ အ‌ရောင်းအဝယ်ရှိကြောင်း သိရှိရပါသည်။ နေကြာဆီသည် ပဲဆီ ၊ နှမ်းဆီနှင့် ယှဉ်ပါက အနံ့ပျင်းခြင်း၊ စားသုံးရာတွင် အာခေါင် (လည်ချောင်း) ရှခြင်းကြောင့် စားသုံးသူ ကြိုက်နှစ်သက်မှု နည်းပါးပါသည်။

ဆီစက်များ တည်ရှိမှုအခြေအနေ

      ပဲခူးတိုင်းဒေသကြီးအတွင်း ဆီစက်ပေါင်း ၁၉၇စက်ခန့်ရှိသည့် အနက် ၅၄ %မှာ အငယ်စားဖြစ်ပြီး ၃၂ % မှာအလတ်စားဖြစ်၍ ၁၃ % လောက်သာအကြီးစား ဆီစက်များဖြစ်ပါသည်။ ပြည်တွင်းစားသုံးဆီ လိုအပ်ချက်ကို ဖြည့်တင်းရန်အတွက် ပြည်တွင်းဆီစက်ကဏ္ဍဖွံ့ဖြိုးတိုးတက်ရန်လည်း အလွန်အရေးကြီး၍ ဆောင်ရွက်သင့်ပါသည်။ လက်ရှိ ကြိတ်ခွဲထုတ်လုပ်သော နေကြာဆီမှာလည်း နေကြာစေ့မှ တိုက်ရိုက် ကြိတ်ခွဲရရှိသည့်အဆင့်သာ   ရှိပြီး   အနံ့အသက်မရှိခြင်းဖြင့်    အရောင်ချွတ်ခြင်းအဆင့်အထိ သန့်စင်ခြင်း (Refine) အဆင့်အထိ ဆောင်ရွက်နိုင်မှု နည်းပါးသေးကြောင်း သိရှိရပါသည်။ နေကြာဆီကြိတ်ခွဲ ထုတ်လုပ်ရန်အတွက် အဓိက ကြုံတွေ့နေရသော ပြဿနာရပ်များတွင်  ဆီစက်များလည်ပတ်ရန်အတွက် ကုန်ကြမ်းအလုံအလောက်မရရှိသည့်အတွက် တစ်နှစ်ပတ်လုံး မလည်ပတ်နိုင်ခြင်း ၊ ဆီကြိတ်ခွဲရာတွင် ဆီထွက်မှုပမာဏနှင့် အရည်အသွေးနိမ့်ပါးခြင်းတို့ဖြစ်ပြီး ဆီစက်များ များများကြိတ်ခွဲနိုင်ရန်အတွက် မျိုးကောင်းမျိုးသန့်များ ကျယ်ကျယ်ပြန့်ပြန့် စိုက်ပျိုး၍ စျေးကွက်နှင့်ကိုက်ညီသောမျိုးများကိုသာ စိုက်ပျိုးရေးသုတေသနဦးစီးဌာနမှ ထုတ်လုပ်ပေးသင့်ပါ ကြောင်းနှင့် ပဲခူးတိုင်းဒေသကြီးအတွင်း ပုဂ္ဂလိက စက်မှု မှတ်ပုံတင်ထားသော ဆီစက်စာရင်းအား အောက်ပါအတိုင်း တွေ့မြင်နိုင်ပါသည်-

 

ပဲခူးတိုင်း‌ဒေသကြီးအတွင်းရှိ ပုဂ္ဂလိက စက်မှုမှတ်ပုံတင်ထားသော ဆီစက်စာရင်း
ပဲခူးတိုင်းဒေသကြီး
စဉ်	ခရိုင်	လုပ်ငန်းအရွယ်အစား				တစ်နှစ်ထုတ်လုပ်မှု (ပိဿာ)
		ကြီး	လတ်	ငယ်	စုစုပေါင်း	ပဲဆီ	နှမ်းဆီ	နေကြာဆီ	စုစုပေါင်း
၁	ပဲခူးခရိုင်	၇	၁၈	၂၁	၄၆	၃၇၅၆၇၀			၃၇၅၆၇၀
၂	တောင်ငူခရိုင်	၂	၁၄	၂၂	၃၈	၆၄၄၀၀	၂၂၃၁၀		၈၆၇၁၀
၃	ပြည်ခရိုင်	၂	၆	၂၀	၂၈	၉၃၄၀၀	၁၀၅၀၀	၁၂၀၀၀	၁၁၅၉၀၀
၄	သာယာဝတီခရိုင်	၁၅	၂၆	၄၄	၈၅	၃၃၆၈၀၀	၁၄၉၃၅၀		၄၈၆၁၅၀
	စုစုပေါင်း	၂၆	၆၄	၁၀၇	၁၉၇	၈၇၀၂၇၀	၁၈၂၁၆၀	၁၂၀၀၀	၁၀၆၄၄၃၀

သုံးသပ်တွေ့ရှိချက်များ

      လက်ရှိ နေကြာစေ့ တစ်ပိဿာပေါက်စျေး (၂၅၀၀၀)ကျပ်ဖြစ်နေ၍ ဆီတစ်ပိဿာထုတ်လုပ်မှု ကုန်ကျစရိတ် မြင့်မားနေခြင်းကြောင့် တစ်ဧကထုတ်လုပ်မှု အကျိုးအမြတ်ရရှိရေးနှင့် တစ်တင်းထုတ်လုပ်မှုစရိတ် လျော့ချနိုင်‌ရေးအတွက် အထွက်နှုန်းကောင်းမွန်သည့် နေကြာမျိုးစေ့များကို နည်းစနစ်မှန်ကန်စွာဖြင့် စိုက်ပျိုးထုတ်လုပ်သင့်ပြီး ဆီစက်များအား အရည်အသွေးကောင်းပြီး သန့်စက်ပြီး ( Refine ) စက်များ တပ်ဆင်အသုံးပြုနိုင်‌ရေးအတွက် သက်ဆိုင်ရာ ဌာနများမှ ပံ့ပိုးကူညီနိုင်မည်ဆိုပါက ပြည်တွင်းနေကြာဆီ အရည်အသွေးကို မြှင့်တင်ရာရောက်ပြီး ပြည်တွင်းတောင်သူများနှင့် ပြည်တွင်းဆီစက်ပိုင်ရှင်များအား ရေရှည်အကျိုးစီးပွား ဖန်တီးပေးနိုင်မည်ဖြစ်ပါသည်။

          ပဲခူးတိုင်းဒေသကြီးအတွင်းရှိ ဆီစက်အများစုမှာ အသေးစားလုပ်ငန်းများဖြစ်နေပြီး  ရင်းနှီးမြုပ်နှံမှု တန်ဖိုးကြီးမားသော်လည်း ကျွမ်းကျင်လုပ်သားများ ရရှိရန်ခက်ခဲခြင်းကြောင့် ဆီစက်များ၏ လည်ပတ်နိုင်မှု အင်အားကို အပြည့်အဝအသုံးမချနိုင်ခြင်း၊ ဆီစက်ပိုင်ရှင်များမှာ လုပ်ငန်းများကို မချဲ့ထွင်သည့်အ ခြေအနေများကြောင့် လုံလုံလောက်လောက်မထုတ်လုပ်နိုင်ဘဲ ပြည်ပမှ စျေးနှုန်းကြီးမြင့်စွာဖြင့် ဝယ်ယူစားသုံးနေရခြင်းဖြစ်သည့်အတွက် နေကြာမျိုးစေ့များအား စနစ်တကျစိုက်ပျိုးပြီး စားသုံးဆီကြိတ်ခွဲစက်များ ပုံမှန်လည်ပတ်နိုင်ပါက ဒေသတွင်းရှိ အလုပ်အကိုင်အခွင့်အလမ်းများလည်း တိုးမြှင့်ရရှိမည်ဖြစ်ပါကြောင်း တင်ပြလိုက်ရပါသည်။

DOCA(ပဲခူး)