စားသုံးသူပြည်သူများအား ဘေးဥပါဒ်ဖြစ်စေသောပစ္စည်းများ တရားမဝင်တင်သွင်း ရောင်းချခြင်းဖြင့် စားသုံးသူနစ်နာဆုံးရှုံးမှုများအတွက် စားသုံးသူကာကွယ်ရေးဥပဒေအပြင် သက်ဆိုင်ရာ ဥပဒေများအရ အရေးယူရန် ရည်ရွယ်၍ စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူး၊ ဒု-ခရိုင်ဦးစီးမှူးနှင့် ဝန်ထမ်း(၄)ဦးသည် ခရိုင်ပြည်သူ့ကျန်းမာရေးဦးစီးဌာန၊ ခရိုင်တိုင်းရင်းဆေး၊ မြို့နယ်အထွေထွေအုပ်ချုပ်ရေးဦးစီးဌာနတို့နှင့်အတူ မေလ ၆ ရက်နေ့တွင် စစ်ကိုင်းမြို့ပေါ်ရှိ ဆေးဆိုင်(၅)ဆိုင်သို့ ကွင်းဆင်း၍ ခရိုင်ဦးစီးမှူး ဒေါ်သန်းသန်းတင်က Online ပေါ်တွင် ရောင်းချနေသည့်အန္တရာယ်ရှိ ဆေးနှင့်ဆေးပစ္စည်းများနှင့် ပတ်သတ်၍ အဆိုပါဆေးဆိုင်များတွင် ရောင်းချခြင်းရှိ/မရှိစစ်ဆေးခဲ့ပြီး လုပ်ထုံးလုပ်နည်းနှင့်အညီတင်သွင်းလာသည့် မှတ်ပုံတင်ရရှိပြီးသော ဆေးနှင့်ဆေးပစ္စည်းများကိုသာ ရောင်းချကြစေရေး အသိပညာပေးခြင်းများ ဆောင်ရွက်ခဲ့ကြောင်း သတင်းရရှိပါသည်။
DOCA(စစ်ကိုင်း)