![](http://www.doca.gov.mm/sites/default/files/styles/consumer_inner_image__847x424_/public/ကျောက်ဖ.jpg?itok=-7Sz5yAc)
ရှမ်းပြည်နယ်(အရှေ့ပိုင်း)၊ ကျိုင်းတုံမြို့နယ်၊ ကျိုင်းဖောင်းကျေးရွာအတွင်း ကျောက်ဖရုံ သီးကို အိမ်ခြံဝန်းနှင့် မြေလွတ်နေရာများတွင် တစ်နိုင်တစ်ပိုင် စိုက်ပျိုးလျက်ရှိပြီး မိသားစု ဝင်ငွေ များရရှိလျက်ရှိကြောင်း သိရသည်။
ကျောက်ဖရုံသီးကို ဩဂုတ်လတွင် စတင်စိုက်ပျိုးပြီး ရက်ပေါင်း ၆၀ အကြာတွင် စတင်ခူး ဆွတ်နိုင်ကြောင်း၊ စိုက်ပျိုးမှုအနေဖြင့် ကြဲပက်စနစ်နှင့် တိုက်ရိုက်မျိုးစေ့ချ စိုက်ပျိုးခြင်းဟူ၍ စိုက်ပျိုးကြကြောင်း၊ ကျောက်ဖရုံသီး ထွက်ပေါ်ချိန်တွင် တစ်လလျှင် ၄ ကြိမ် ဆွတ်ခူးရပြီး တစ်ကြိမ်လျှင် ကျောက်ဖရုံသီး အလုံးရေ ၅၀ ခန့် ထွက်ရှိကြောင်း၊ သက်တမ်းအနေဖြင့် ၃ လခန့် အကြာထိ ဆွတ်ခူးနိုင်ပြီး စင်တစ်စင်လျှင် ကျောက်ဖရုံသီး အလုံးရေ ၆၀၀ ကျော် ခူးဆွတ်ရောင်း ချနိုင်ကြောင်း၊ ကျောက်ဖရုံသီး စိုက်ပျိုးရာတွင် အဓိက ကုန်ကျစရိတ်မှာ ကျောက်ဖရုံစင်ဖြစ်ပြီး စင်တစ်စင်အတွက် ငွေကျပ် ၃ သိန်း ကျပ်ခန့်နှင့် မျိုးစေ့နှင့် သွင်းအားစုအပါအဝင် ကုန်ကျစရိတ် စုစုပေါင်း ငွေကျပ် ၆ သိန်း ၇ သိန်း ခန့်ကုန်ကျကြောင်း၊ ဈေးနှုန်းအနေဖြင့် ကျောက်ဖရုံသီး တစ်လုံးလျှင် ၂၅၀၀ ကျပ်ခန့်ဖြင့် အရောင်းအဝယ် ဖြစ်လျက်ရှိပြီး ငွေကျပ် ၈ သိန်းခန့် အမြတ်ရရှိ ကြောင်းသိရှိရပါသည်။
DOCA(ရှမ်း)