ကယားပြည်နယ်ဒေသထွက် ပစ္စည်းတစ်မျိုးဖြစ်သည့် ကယားရိုးရာချည်ထည်ကို ကယားပြည်နယ်တွင်နေထိုင်ကြသော တိုင်းရင်းသားများအားလုံး အမြတ်တနိုးဝတ်ဆင်ကြသည့်အပြင် အခြားဒေသများသို့လည်း တင်ပို့လျှက်ရှိကြောင်း၊ ချည်ထည်များမှာ အသားအေးပြီး ပေါ့ပါးသဖြင့် ဝတ်ဆင်သူတိုင်း လူကြိုက်များလျှက်ရှိကြောင်း၊ ယခုလက်ရှိ ဈေးကွက်အတွင်း ကယားချည်ထည်ဈေးနှုန်းများမှာ ပုံမှန်ချည်အမျိုးသားဝတ်တစ်ကွင်းလျှင် (၆၅၀၀)ကျပ်၊ အမျိုးသမီးဝတ်တစ်ကွင်းလျှင် (၅၅၀၀)ကျပ် ၊အမျိုးသမီးဝတ် ဝမ်းဆက်တစ်စုံလျှင်(၈၅၀၀)ကျပ် ၊၂/၁၀၀ ချည်ချောအမျိုးသားဝတ် တစ်ကွင်းလျှင် (၁၁၀၀၀)ကျပ် ၊ အမျိုးသမီးဝတ်တစ်ကွင်းလျှင် (၈၀၀၀)ကျပ် ၊အမျိုးသမီးဝတ် ဝမ်းဆက်တစ်စုံလျှင် (၁၅၀၀၀)ကျပ်ဖြင့် ရောင်းဝယ်လျှက်ရှိပြီး ယခင်နှစ်ဈေးကွက်အတွင်း ပုံမှန်ချည် အမျိုးသားဝတ် တစ်ကွင်းလျှင် (၅၅၀၀)ကျပ်၊ အမျိုးသမီးဝတ်တစ်ကွင်းလျှင် (၄၅၀၀)ကျပ် ၊အမျိုးသမီးဝမ်းဆက် တစ်စုံလျှင် (၇၅၀၀)ကျပ် ၊၂/၁၀၀ ချည်ချော အမျိုးသားဝတ် တစ်ကွင်းလျှင်(၇၀၀၀)ကျပ်၊ အမျိုးသမီးဝတ်တစ်ကွင်းလျှင် (၆၅၀၀)ကျပ်၊ ဝမ်းဆက်တစ်စုံလျှင်(၁၀၀၀၀)ကျပ်ခန့်သာရှိပြီး ယခင်နှစ်နှင့် နှိုင်းယှဉ်ပါက ပုံမှန်ချည် အမျိုးသား/ အမျိုးသမီးဝတ်တစ်ကွင်းလျှင် (၁၀၀၀)ကျပ်၊ ဝမ်းဆက်တစ်စုံလျှင် (၂၀၀၀)ကျပ်၊ ၂/၁၀၀ ချည်ချော အမျိုးသားဝတ် တစ်ကွင်းလျှင်(၃၀၀၀)ကျပ်၊ အမျိုးသမီး ဝတ်တစ်ကွင်းလျှင် (၁၅၀၀)ကျပ်၊ အမျိုးသမီးဝမ်းဆက်တစ်စုံလျှင်(၅၀၀၀)ကျပ်ခန့် ဈေးနှုန်းမြှင့်တက်လာကြောင်း၊ ဈေးနှုန်းမြှင့်တက်လာရခြင်းမှာ ကုန်ကြမ်းပစ္စည်း ချည်ဈေးနှုန်း၊ လုပ်သားခ၊ သယ်ယူစရိတ်များ မြှင့်တက်လာ၍ ကုန်ကျစရိတ်များ များလာခြင်းကြောင့်ဖြစ်သည့်ဟု ကယားရိုးရာချည်ထည် ထုတ်လုပ်ရောင်းချသည့် လုပ်ငန်းရှင်တစ်ဦးထံမှ သိရပါသည်။
DOCA(ကယား)