ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ပဲခူးခရိုင်၊ ဒိုက်ဦးမြို့နယ်တာဝန်ခံနှင့် ဝန်ထမ်းများသည် မြို့နယ်စည်ပင်သာယာရေး၊ ပြန်ကြားရေးနှင့် ပြည့်သူ့ဆက်ဆံရေးဦးစီးဌာနမှ တာဝန်ရှိသူများနှင့် ပူးပေါင်း၍ (၁၃.၅.၂၀၂၂) ရက်နေ့ နံနက် (၁၀:၀၀)နာရီအချိန်တွင် ဒိုက်ဦးမြို့ မြို့မဈေးကြီးအတွင်းရှိ ဆေးမျိုးစုံရောင်းချနေသော ဆေးဆိုင်များတွင် Bella Plus Plaster နှင့် အခြားအမှတ်တံဆိပ်ပါ Plaster များသည် ဆေးဝါးမှတ်ပုံတင် ရှိ/မရှိ ကုန်အညွှန်းအမှတ်အသား ပြည့်စုံမှု ရှိ/မရှိ နှင့် ရသေ့ဆေး (သို့) ထိုင်းတိုင်းရင်းဆေးများ ရောင်းချခြင်း ရှိ/မရှိ ကွင်းဆင်းစစ်ဆေး ဆောင် ရွက်ခဲ့ပါသည်။
ထိုသို့ ကွင်းဆင်းစစ်ဆေးရာတွင် ဆေးဝါးများ၏ ထုတ်လုပ်သည့်နိုင်ငံ ၊ ထုတ်လုပ်သည့် ကုမ္ပဏီ၊ တင်သွင်းသည်ကုမ္ပဏီ ဆေးဝါးမှတ်ပုံတင်အမှတ် နှင့် Registration No (IR) များ ဖော်ပြပါရှိသည့် ပစ္စည်းများကိုသာ ရောင်းချရန်၊ ကုန်အညွှန်းအမှတ်အသားဖော်ပြချက်များနှင့် ကိုက်ညီမှုရှိပြီး ပြည့်စုံစွာ ဖော်ပြထားသည့် ကုန်စည်များကိုသာ ရောင်းချရန်နှင့် စားသုံးသူကာကွယ်ရေးဉပဒေပါ စီးပွားရေးလုပ်ငန်းရှင်များ၏ လိုက်နာရမည့်တာဝန်များနှင့် ပြစ်မှုပြစ်ဒဏ်များအကြောင်း ရှင်းလင်းဆွေးနွေး ပြောကြားခဲ့ကြောင်း သိရှိရပါသည်။
DOCA(ပဲခူး)