ပဲခူးတိုင်းဒေသကြီး၊ စားသုံးသူရေးရာဦးစီးဌာန ၊ ပဲခူးခရိုင် ၊ ဒိုက်ဦးမြို့နယ်တာဝန်ခံ ဦးမျိုးမြင့်သည် (၁၆.၅.၂၀၂၂)ရက်နေ့ ၊ နံနက် (၁၀: ၀၀) နာရီအချိန်တွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာန ၊ ဝေါမြို့နယ် ဦးစီးမှူးရုံး၌ စားသုံးသူကာကွယ်ရေး အသိပညာပေး Talk Show အစီအစဉ် ပြုလုပ် ဆောင်ရွက်ခဲ့ပါသည်။
ယင်းအစီအစဉ်တွင် ဒိုက်ဦးမြို့နယ်တာဝန်ခံမှ စားသုံးသူရေးရာဦးစီးဌာန၏ မျှော်မှန်းချက်များ ၊ ရည်မှန်းချက်များ ၊ ရည်ရွယ်ချက်များနှင့် လုပ်ငန်းတာဝန်များအား ရှင်းလင်းခြင်း ၊ မြန်မာနိုင်ငံစားသုံးသူကော်မရှင် ညွှန်ကြားချက်အမှတ် (၂/၂၀၁၉) အရ ကုန်စည်အမျိုးအစားပေါ် မူတည်ပြီး အဓိကပါဝင်ရမည့် အချက်များကို မဖြစ်မနေ ဖော်ပြရန် ၊ စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၏တာဝန်များ ၊ တားမြစ်ချက်များနှင့် ပြစ်မှု ၊ ပြစ်ဒဏ်များကို သိရှိလိုက်နာစေရန် ၊ ကုန်စည်နှင့် ဝန်ဆောင်မှုများကြောင့် နစ်နာဆုံးရှုံးမှုများ ဖြစ်ပေါ်လာပါက လွယ်ကူလျှင်မြန်စွာ တိုင်ကြားနိုင်သည့် စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ ( Consumer Information and Complaint Center- CICC) ကို ခရိုင်ဦးစီးမှူးရုံးများတွင် ဖွင့်လှစ်ထားရှိကြောင်းကို အသိပညာပေး ဆွေးနွေးပြောကြားခဲ့ကြောင်း သိရှိရပါသည်။
DOCA(ပဲခူး)