မကွေးတိုင်းဒေသကြီး မကွေးမြို့ပေါ်ရှိ မြို့မဈေး၊ ကန်သာဈေး၊ ရန်ကင်းဈေး၊ ရန်ပယ်ဈေး၊ မင်္ဂလာဈေးများတွင် ဟင်းသီးဟင်းရွက်ကုန်စိမ်းသီးနှံများ နေ့စဉ်အရောင်းအဝယ်ဖြစ်လျှက်ရှိပါသည်။ ရာသီဥတုပူပြင်းသောတန်ခူး၊ကဆုန်းလများတွင် ခရမ်းချဉ်သီးထွက်ရှိမှုနည်းပါးလာသဖြင့် မကွေးမြို့ နယ်အတွင်း အများဆုံးစိုက်ပျိုးထွက်ရှိရာ ကျစ်ဆုံပွေး၊ ဝါးကြီးအိုင်၊ ရေပြည့်၊ လျောင်းတော်ဦး၊ ခွေးတောက်စမ်း၊ ညောင်ပင်ရွာစသော ကျေးရွာများမှပင် အထွက်နည်းလာပြီး ဈေးကွက်အတွင်း ဝင်ရောက်မှုနည်းပါးနေသော်လည်း ဝယ်လိုအားမှာများလာသဖြင့် ခရမ်းချဉ်သီးဈေးနှုန်းများ အနည်းငယ် မြင့်တက်လျှက်ရှိကြောင်းသိရှိရပါသည်။
ခရမ်းချဉ်သီးဈေးနှုန်းအနေဖြင့် ခရမ်းချဉ်သီး(ဗမာသီး/သီးစို) ဈေးနှုန်းမှာ ယခင်လက်လီဈေး တစ်ပိဿာလျှင်(၇၀ဝိ/-)နှုန်းမှ ယခုလက်လီဈေး တစ်ပိဿာလျှင် (၁၂၀ဝိ/-)နှုန်းဖြင့် တစ်ပိဿာလျှင် (၅၀ဝိ/-)နှုန်း၊ ခရမ်းချဉ်သီး(ရှမ်းသီး/သီးခြောက်)ဈေးနှုန်းမှာ ယခင်လက်လီဈေး တစ်ပိဿာလျှင် (၆၀ဝိ/-) နှုန်းမှ ယခုလက်လီဈေးတစ်ပိဿာလျှင်(၁၀၀ဝိ/-)နှုန်းဖြင့် တစ်ပိဿာလျှင်(၄၀ဝိ/-)နှုန်း အသီးသီး ဈေးနှုန်းပြောင်းလဲမြင့် တက်လျှက်ရှိကြောင်း လေ့လာသိရှိရသည်။
DOCA(မကွေး)