ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ပန်းတနော် မြို့နယ်တာဝန်ခံ မသင်းသင်းစိုးနှင့် ဝန်ထမ်းများသည် တိုင်းရင်းဆေးပညာဦးစီးဌာန ၊စည်ပင်သာယာရေးအဖွဲ့များနှင့် ပူးပေါင်း၍ (၁၉.၅.၂၀၂၂) နေ့ ပန်းတနော်မြို့ပေါ်ရှိ ဆေးနှင့် ဆေးပစ္စည်းအရောင်းဆိုင်များနှင့် စည်ပင်ဈေးအတွင်းရှိ ဆေးဆိုင်များသို့ ကွင်းဆင်းဆောင်ရွက်ခဲ့ပါသည်။
အဆိုပါ ကွင်းဆင်ဆောင်ရွက်မှုတွင် တိုင်းရင်းဆေးပညာဦးစီးဌာနမှ ထိုင်းနိုင်ငံထုတ် ရသေ့တိုင်း ရင်းဆေးများသည် ဓါတုဆေးဝါး အမြောက်အများပါဝင်သောကြောင့် အသုံးပြုရန် မသင့်သောကြောင့် မရောင်းချသင့်ကြောင်းနှင့် ဈေးကွက်အတွင်း ထိုင်းရသေ့ဆေးနှင့် အခြား ရွှေစင်၊ မှင်ရောဂါ အကြောပြေပျောက်ဆေးများ ရောင်းချမှု ရှိ/ မရှိ ကွင်းဆင်းစစ်ဆေး ဆောင်ရွက်ခဲ့ပါသည်။ ပန်းတနော်မြို့နယ်တာဝန်ခံ ဒေါ်သင်းသင်းစိုးမှ ဈေးကွက်အတွင်းရှိ ဆေးများတွင် ကုန်အညွှန်းအမှတ်အသားများ ပြည့်စုံမှု မရှိပါက မရောင်းချသင့်ကြောင်း ဆေးဆိုင်လုပ်ငန်းရှင်များအား အသိပညာပေး စစ်ဆေးဆောင်ရွက်ပြီး စားသုံးသူအသိပညာပေးလက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။
DOCA(ဧရာဝတီ)