(၁၀.၂.၂၀၂၅)ရက်နေ့ နံနက်(၉:၅၀)အချိန်တွင် လှည်းကူးမြို့နယ်ခွဲတာဝန်ခံ ဦးထွန်းထွန်းဦး၊ ဒုကြီးကြပ်ရေးမှူးသည် မြို့မဈေးတာဝန်ခံ ပူးပေါင်းပါဝင်လျက် မြို့မဈေး အတွင်းရှိ ကုန်စုံဆိုင်များ တွင် ဆပ်ပြာမှုန့်ရောင်းချနေခြင်းအား ကွင်းဆင်းစစ်ဆေးခြင်း လုပ်ငန်းများ ဆောင်ရွက်ခဲ့ပါသည်။
ထိုသို့စစ်ဆေးခဲ့ရာတွင် ဆပ်ပြာမှုန့်အမျိုးမျိုးတွင် မြန်မာစာကုန်အညွှန်းအမှတ်အသား ပြည့်စုံ စွာဖော်ပြထားသည်ကို စစ်ဆေးတွေ့ရှိရပြီး ဦးစားပေးကုန်စည်ဖြစ်သည့် ကုန်စည်(၁၀)မျိုးကို ဈေးကွက်စောင့်ကြည့်စစ်ဆေးရန် ထုတ်ပြန်ထားသဖြင့် ဆပ်ပြာမှုန့် အမျိုးမျိုးပါဝင်သောကြောင့် ညွှန်ကြားချက်အမှတ်(၂/၂၀၁၉)အရ ရောင်းချမည့်ကုန်စည်မှာ မြန်မာလိုကုန်အညွှန်းအမှတ်အသား ဖော်ပြရာတွင် လွယ်ကူအဆင်ပြေစေရန် ထုတ်ပြန် ထားသည့်အတိုင်း ကိုက်ညီသောကုန်စည်များကိုသာ လုပ်ငန်းရှင်များက ရောင်းချရန် သတ်မှတ်ချက်များကို လိုက်နာဆောင်ရွက်ခြင်းမရှိပါက ထိရောက်စွာအရေးယူ ဆောင်ရွက် သွားမည်ဖြစ်ကြောင်း အသိပေးပြောကြားခဲ့ကြောင်း သိရှိရပါသည်။
DOCA(ရန်ကုန်)