၂၀၂၂-ခုနှစ် ဇန်နဝါရီလမှစ၍ ကသာခရိုင်တွင် ပုံမှန်ထက် မိုးရွာသွန်းမှုများသည့်အတွက် နွေ စပါးစိုက်ပျိုး အောင်မြင်လျက်ရှိကြောင်း သိရသည်။ ကသာခရိုင် နွေစပါးစိုက်ဧကမှာ ကသာမြို့နယ် (၁၁၀၉၁) ဧက၊ ထီးချိုင့်မြို့နယ် (၁၀၂၈၂) ဧက၊ အင်းတော်မြို့နယ် (၇၉၇) ဧကနှင့် ဗန်းမောက်မြို့နယ် တွင် (၃၇၁) ဧက၊ စုစုပေါင်း (၂၂၅၄၁) ဧက စိုက်ပျိုးကြောင်း သိရသည်။
ရိတ်သိမ်းပြီးစီးမှုအနေဖြင့် ကသာမြို့နယ်နှင့် ထီးချိုင့်မြို့နယ်များမှာ မေလကုန်တွင် ထွန်တုံး ပိတ်ရိတ်သိမ်းပြီးစီးခဲ့ပြီး ရိတ်သိမ်းရန်ကျန် နွေစပါးစိုက်ဧကမှာ အင်းတော်မြို့နယ်တွင် (၁၅၉) ဧကနှင့် ဗန်းမောက်မြို့နယ်တွင် (၁၇၈) ဧက စုစုပေါင်း (၃၃၇) ဧက ကျန်ရှိသည့်အတွက် ၂၀၂၂-ခုနှစ် မေလကုန်တွင် နွေစပါးရိတ်သိမ်းပြီးစီးမှုမှာ (၂၂၂၀၄) ဧကရှိပြီး ၉၈ ရာခိုင်နှုန်းကျော် ရိတ်သိမ်းပြီး ဖြစ်ကြောင်း သိရသည်။
အထွက်နှုန်းမှာ စံကွက်ရိတ်သိမ်းမှုအရ တစ်ဧက အထွက်နှုန်း ၈၉.၆၄ တင်းရှိကြောင်းနှင့် ကသာခရိုင်အတွင်း ရိတ်သိမ်းရန်ကျန်ရှိသည့် နွေစပါးများကိုလည်း ဇွန်လဆန်းပိုင်းတွင် ရာခိုင်နှုန်းပြည့် ရိတ်သိမ်းပြီးစီးနိုင်ကြောင်း ကသာခရိုင်၊ စိုက်ပျိုးရေးဦးစီးဌာနမှ သိရှိရသည်။
DOCA(စစ်ကိုင်း)