ကချင်ပြည်နယ်၊ ဗန်းမော်မြို့သို့ တရားမဝင်ကုန်သွယ်မှုတိုက်ဖျက်ရေး ဦးဆောင်ကော်မတီ၏ လုပ်ငန်းတာဝန်ဖြင့် ရောက်ရှိလာသော ကုန်သွယ်ရေးဦးစီးဌာန၊ညွှန်ကြားရေးမှူချုပ်ဦးမြင့်သူရသည် ၁.၆.၂၀၂၂ရက်နေ့ ဗန်းမော်မြို့၊ မြသီတာဧည့်ရိပ်သာခန်းမ၌ ဗန်းမော်မြို့၊ လွယ်ဂျယ်မြို့မှ ကုန်သည် လုပ်ငန်းရှင်များ၊ ခရိုင်သီးနှံစိုက်ပျိုးထုတ်လုပ်သူများအသင်းဥက္ကဌနှင့် အဖွဲ့ဝင်တို့အား တွေ့ဆုံ၍ နိုင်ငံတော်ကုန်သွယ်ရေးမူဝါဒများ၊ လက်ရှိဆောင်ရွက်လျက်ရှိသောမူဝါဒများ၊ ဆက်လက်ဆောင်ရွက်သွားမည့်ကုန်သွယ်မှုနှင့် ငွေကြေးဆိုင်ရာများ ရှင်းလင်းပြောကြားခဲ့ပြီးနောက် လုပ်ငန်းရှင်များမှ အခက်အခဲများမေးမြန်းဆွေးနွေးရာတွင် ပြန်လည်ရှင်းလင်းခဲ့ပါသည်။ ထို့နောက်ခရီးစဉ်တွင် ပါဝင်လိုက်ပါလာသော အကောက်ခွန်ဦးစီးဌာန၊ ဒုတိယညွှန်ကြားရေးမှူးချုပ် ဦးရဲထွဋ်အောင်မှ အကောက်ခွန်ဦးစီးဌာန၏ ဆောင်ရွက်နေမှုအခြေအနေနှင့် ကုန်သည်လုပ်ငန်းရှင်များ၏ တင်ပြချက်များ၊ သိရှိလိုသည်များအား ရှင်းလင်းပြောကြားခဲ့ပါသည်။ တွေ့ဆုံပွဲသို့ စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူး ဦးအောင်ကျော်ဦးနှင့် လွယ်ဂျယ်နယ်စပ်စခန်းတာဝန်ခံ ဦးမြင့်ဇော်မိုးတို့ တက်ရောက်ခဲ့ကြောင်း သိရှိရပါသည်။
DOCA(ကချင်)