အင်ဒိုနီးရှားနိုင်ငံ စက်မှုနှင့်ရင်းနှီးမြှုပ်နှံမှု ဒုတိယဝန်ကြီးဖြစ်သူ Rizki Handayani Mustafa က အစိုးရသည် ခရီးသွားကဏ္ဍဖွံ့ဖြိုးတိုးတက်ရန်နှင့် စဉ်ဆက်မပြတ်ကြီးထွားရန် အတွက်ပြုပြင်ပြောင်းလဲမှုများ ဆောင်ရွက်လျှက်ရှိကြောင်း ပြောကြားခဲ့ပါသည်။ အစိုးရသည် ကဏ္ဍအားလုံးကို ပြုပြင်ပြောင်းလဲမှုနှင့် ပြန်လည်ဖွဲ့စည်းမှုများဆောင်ရွက်လျှက်ရှိကြောင်း Mustafa က အင်ဒိုနီးရှားနိုင်ငံ ဟိုတယ်နှင့်စားသောက်ဆိုင်အသင်း(PHRI)၏ကွန်းဖရန့်တွင် ပြောကြားခဲ့ခြင်းဖြစ်ကြောင်း သိရပါသည်။ အင်ဒိုနီးရှားအစိုးရသည် ခရီးသွားကဏ္ဍက နိုင်ငံ ၏စီးပွားရေးကြီးထွားမှုတွင် ကြီးမားစွာပါဝင်လာနိုင်စေရေးအတွက် ခရီးသွားစည်းမျဉ်းများနှင့် စီမံခန့်ခွဲမှုများတိုးတက်ရန်နှင့် ခရီးသွားနှင့်ဆက်စပ်သည့်အကြောင်းအရာများ ထုတ်ပြန်သွား မည်ဖြစ်ကြောင်း သိရပါသည်။ ခရီးသွားဝန်ကြီးဌာနသည်လည်း ခရီးသွားလုပ်ငန်းဖွံ့ဖြိုး တိုးတက်ရေးအတွက် အခြားဝန်ကြီးဌာနများနှင့် အဖွဲ့အစည်းများနှင့် ညှိနှိုင်းဆွေးနွေးလျှက် ရှိကြောင်း သိရပါသည်။ Mustafa က ၎င်း၏ဝန်ကြီးဌာနသည်လည်း Clean Tourism Movement ၊ ဒစ်ဂျစ်တယ်အသွင်ကူးပြောင်းခြင်း၊ AI နည်းပညာအသုံးချခြင်း၊ ရေကြောင်း ခရီးသွားနှင့် ကျန်းမာရေးခရီးသွားကဏ္ဍ ဖွံ့ဖြိုးတိုးတက်ရေးနှင့် ခရီးသွားကျေးရွာများဖွံ့ဖြိုး တိုးတက်ရေးတို့ပါဝင်သည့် ပရိုဂရမ်များ အကောင်အထည်ဖော်လိမ့်မည်ဟု ပြောကြားခဲ့ ပါသည်။ ထို့ပြင် အစိုးရသည်လည်း ခရီးသွားများကိုဆွဲဆောင်ရန်နှင့် ခရီးသွားကဏ္ဍမှ နိုင်ငံ တော်ဝင်ငွေရရှိမှုမြင့်တက်ရန် ခရီးသွားမြှင့်တင်ရေးအစီအစဉ်များ အရှိန်ဟုန်မြှင့်ဆောင်ရွက် သွားမည်ဟု သိရပါသည်။ PHRI ၏ ဥက္ကဌဖြစ်သူ Hariyadi B. Sukamdani က အင်ဒိုနီးရှားအစိုးရသည် ခရီးသွားကဏ္ဍအား နိုင်ငံ့စီးပွားရေးကြီးထွားမှုကိုမောင်းနှင် ပေးနိုင်မည့်ကဏ္ဍအဖြစ် ပိုမိုအာရုံစိုက်လိမ့်မည်ဟု မျှော်လင့်ကြောင်း ပြောကြားခဲ့ပါသည်။ ထို့ပြင် ၎င်းက ထိုင်း၊ ဗီယက်နမ်နှင့် မလေးရှားအစရှိသည့် အိမ်နီးချင်းနိုင်ငံများကို ယှဉ်ပြိုင် နိုင်ရန်အတွက် အင်ဒိုနီးရှားနိုင်ငံ၏ ခရီးသွားကဏ္ဍကို အဆင့်မြှင့်တင်ရာတွင် အစိုးရ၏ အရေးပါသောအခန်းကဏ္ဍကို အသားပေးပြောကြားခဲ့ကြောင်း သိရပါသည်။ အစောပိုင်း ကာလတွင်လည် ခရီးသွားဝန်ကြီးဖြစ်သူ Widiyanti Putri Wardhana က အနာဂတ်တွင် ခရီးသွားကဏ္ဍ၏အလားလာသည် နိုင်ငံ့စီးပွားရေးကို အပေါင်းလက္ခဏာဆောင်စွာ လွှမ်းမိုးမှု ရှိပြီး အလုပ်အကိုင်အခွင့်အလမ်းများကို ဖန်တီးပေးနိုင်မည်ဟု မျှော်လင့်ကြောင်း ပြောကြား ခဲ့ပါသည်။
DOCA(ရန်ကုန်)