ယခုအခါတွင် တောင်ငူမြို့ အရှေ့ဘက် ကရင်ပြည်နယ် သံတောင်ကြီးမြို့နယ်မှ ဒူးရင်းသီးများ လှိုင်လှိုင်ပေါ်သော ကာလဖြစ်သဖြင့် တောင်ငူမြို့၌ ဒူးရင်းသီးများ အရောင်းအဝယ်ကောင်းလျှက်ရှိပါသည်။ တောင်ငူမြို့တွင် ဒူးရင်းသီးကို ရာသီပေါ်သီးနှံအဖြစ် ဒေသတွင်း စားသုံးသည်သာမကဘဲ ရပ်ဝေးဒေသမှ ဆွေမျိုးမိတ်ဆွေသင်္ဂဟများအား ဒေသထွက်လက်ဆောင်အဖြစ် ပေးကြပါသေးသည်။ တောင်ငူမြို့မှ ထွက်သောကားတိုင်းလိုလို ဒူးရင်းသီးအနံ့မွှေးနေသလို တောင်ငူမြို့ကို ဖြတ်သန်းသွားလာကြသည့် အိမ်စီးမော်တော်ယာဉ်များလည်း ဒူးရင်းသီးဆိုင်ရောက်လျှင် ဆင်းဝယ် ကြသည်ကို တွေ့ရှိရပါသည်။
သံတောင်ကြီးမြို့နယ်မှ ဒူးရင်းသီးကားများ တောင်ငူမြို့သို့ ရောက်ရှိလာကြရာ ပွဲရုံများ၌ ဒူးရင်းသီးတစ်လုံးလျှင ၂၅၀၀ ကျပ်၊ ၄၀၀၀ ကျပ်၊ ၆၀၀၀ ကျပ်၊ ၈၀၀၀ ကျပ်နှင့် ၁၀၀၀၀ ကျပ်ဟူ၍ အမျိုးအစား ၅ မျိုးခွဲခြားရောင်းချလျှက်ရှိကြောင်း၊ ဈေးနှုန်းမှာ ယခင်အပတ်အတိုင်းဖြစ်၍ အတက်အကျမရှိဘဲ တည်ငြိမ်လျှက်ရှိကြောင်း၊ ဒေသထွက်လက်ဆောင်ပေးသူများအနေဖြင့် အလုံးလှ၍ ဈေးနှုန်းမြင့်သည့် အသီးများကို ဝယ်ယူကြသဖြင့် ရောင်းအားကောင်းလျှက်ရှိကြောင်း တောင်ငူမြို့ ဘုရင့်နောင်ဈေးမှ ဒူးရင်းသီးရောင်းချသူတစ်ဦးထံမှ သိရှိရပါသည်။
DOCA(ပဲခူး)