ပဲခူးတိုင်းဒေသကြီး နတ်တလင်းခရိုင် နတ်တလင်းမြို့နယ်ရှိ ပဲမျိုးစုံရောင်းဝယ်ရေး ပွဲရုံများတွင် ဇန်နဝါရီလ စတုတ္ထပါတ်မှ ယခုဖေဖော်ဝါရီလ တတိယပတ်အထိ အရောင်းအဝယ် ဖြစ်နေသော မတ်ပဲဈေး နှုန်းများမှာ အတက်အကျ အနည်းငယ်သာရှိပြီး အရောင်းအဝယ် ဖြစ်နေသည်ကို တွေ့ရပါသည်။
ယခင် ဇန်နဝါရီလ တတိယပါတ်တွင် အရောင်းအဝယ် ဖြစ်ခဲ့သော မတ်ပဲဈေးနှုန်းမှာ ပိဿာ(၂၀)တစ်တင်းလျှင် ငွေကျပ် (၈၅၀၀၀-၉၅၀၀၀) နှုန်းဖြင့် ရောင်းဝယ်ခဲ့ပြီး စတုတ္ထပတ်တွင် ငွေကျပ် (၉၇၆၀၀-၉၇၈၀၀)နှုန်းအထိ ဈေးမြင့်တက်ခဲ့ပါသည်။
ယခု ဖေဖော်ဝါရီလ ပထမပတ် အဖွင့်ဈေးမှာ ပိဿာ(၂၀)တစ်တင်းလျှင် (၉၅၅၀၀-၉၅၀၀၀)နှုန်း အထိ ပြန်လည်ကျဆင်းခဲ့ပါသည်။ ဖေဖော်ဝါရီလ ဒုတိယပတ်တွင်လည်း ဈေးနှုန်းများ ဆက်လက်ကျဆင်း လျက်ရှိပြီး ငွေကျပ် (၉၅၀၀၀-၉၄၃၀၀)နှုန်းဈေးဖြင့် ရောင်းဝယ်ခဲ့ပါသည်။
ယခု တတိယပတ်တွင်လည်း ဈေးနှုန်းများ အတက်အကျမရှိတည်ငြိမ်နေပြီး ပိဿာ(၂၀)တစ်တင်း လျှင် ငွေကျပ်(၉၄၃၀၀-၉၅၀၀၀)နှုန်း အတွင်းသာ အရောင်းအဝယ်ဖြစ်နေကြောင်း လေ့လာသိရှိရပါသည်။
DOCA(ပဲခူး)