ပဲပုတ်သီးနှံ၏ မူရင်းဒေသမှာ တရုတ်နိုင်ငံဖြစ်ပြီး မြန်မာနိုင်ငံတွင် ရှမ်းပြည်နယ်၌ အဓိကထား စိုက်ပျိုးလျက်ရှိပြီး တစ်နိုင်ငံလုံးပဲပုတ်စိုက်ဧက၏ ၅၀%ခန့် စိုက်ပျိုးမှုရှိသည်ဟု သိရှိရပါသည်။
ရှမ်းလူမျိုးများ၏ ရိုးရာအစားအစာများထဲတွင် ပဲပုတ်သည် ထိပ်ဆုံးမှပါဝင်လျက်ရှိပါသည်။ အောက်ပြည်အောက်ရွာမှ လူအများတို့သည် ထမင်းဝိုင်းတွင် ငါးပိမပါလျှင် မပြည့်စုံသကဲ့သို့ ရှမ်းလူမျိုးတို့၏ နေ့စဉ်ဟင်းလျာတွင်လည်း ပဲပုတ်မပါလျှင် မပြီးပြည့်စုံနိုင် ဖြစ်ရပါသည်။ ထို့ကြောင့်လည်း ရှမ်းလူမျိုးများကို ပဲပုတ်နှင့်တွဲဖက်၍ မြင်ကြသောကြောင့် “ရှမ်းပဲပုတ်”ဟုလည်း ခေါ်ဆိုကြသည်။ ပဲပုတ်ကို အချပ်လိုက် အခြောက်လှန်းထားသော ပဲပုတ်ချပ်အချို(သို့မဟုတ်) ပဲပုတ်ချပ်အစပ် အဖြစ်လည်းကောင်း၊ ခပ်ပျော့ပျော့ ပဲငါးပိအဖြစ်လည်းကောင်း ဝယ်ယူရရှိနိုင်ပါသည်။
ယခုကာလသည် ပဲပုတ်သီးနှံ ထွက်ရှိကာလ မဟုတ်သောသော်လည်းဒေသအစားအစာ ဖြစ်သောကြောင့် ဝယ်ယူစားသုံးသူများ များပြားလျက်ရှိပါသည်။ ပဲပုတ်စေ့ဈေးနှုန်းမှာ တစ်ပိဿာလျှင် (၆၅၀၀)ကျပ်မှ (၇၀၀၀)ကျပ်၊ တစ်တင်းလျှင် (၁၄၀၀၀၀)ကျပ်ပေါက်ဈေးရှိကြောင်း စုံစမ်းသိရှိရပါသည်။
DOCA(ရှမ်း)