ပုသိမ်ခရိုင်၊သာပေါင်းမြို့နယ်တွင် ဆန်စက်လုပ်ငန်းရှင်များအား ထုတ်ကုန်လုံခြုံစိတ်ချရမှုရှိစေရေး၊ ကုန်စည်နှင့်ဝန်ဆောင်မှုများ၏ အရည်အသွေးစီမံခန့်ခွဲမှုနှင့် သုတေသနလုပ်ငန်းများ ဆောင်ရွက်ရန် ရည်ရွယ်၍ (၃.၆.၂၀၂၂)ရက်နေ့နံနက်(၁၀:၀၀)နာရီတွင် သာပေါင်းမြို့နယ်၊ မြို့နယ်တာဝန်ခံရုံး၌ တွေ့ဆုံဆွေးနွေးခဲ့ကြောင်း သိရှိရပါသည်။ ဆွေးနွေးပြောကြားရာတွင် မြို့နယ်တာဝန်ခံ ဦးထွန်းမင်းလတ်မှ မိမိတို့ဌာနအနေဖြင့် စားသုံးသူရေးရာလုပ်ငန်းများအပြင် ပြည်တွင်းကုန်သွယ်မှုလုပ်ငန်းများကိုပါဆောင်ရွက်နေကြောင်း၊ အသင်းအနေဖြင့် အသင်းဝင် များတိုးတက်ရေး၊ ဆန်စက်များနှစ်စဉ်အဆင့်မြှင့်တင်ရေး၊ ဆန်ကြိတ်ခွဲရာတွင် အထွက်နှုန်း ကောင်းမွန်ရေး၊ စပါး၊ ဆန်သိုလှောင်မှုကောင်းမွန်စေရေး၊ ဈေးကွက်ဝေစုရရှိရေး၊ ပြည်သူများ အား အရည်အသွေးနှင့်ကိုက်ညီသော ဈေးနှုန်းများနှင့် သက်သာသောဈေးနှုန်းဖြင့် ဒေသတွင်း ဝယ်ယူစားသုံးနိုင်ရေး၊ တိရိစ္ဆာန်အစာများထုတ်လုပ်နိုင်ရေး၊ စပါးခွန်လောင်စာဖြင့် လျှပ်စစ် ထုတ်လုပ်နိုင်ရေး၊ စပါးခွန်လောင်စာဖြင့် စပါးကြိတ်ခွဲနိုင်ရေး၊ မိမိတို့ဆန်စက်အားမှီခိုနေသည့် လုပ်သားများ သက်သာချောင်ချိရေး အလုပ်အကိုင်အခွင့်အလမ်းများ အားဆွေးနွေးပြောကြား ခဲ့ကြောင်းသိရှိရပါသည်။ ဆန်ကြိတ်ခွဲ ရောင်းချသောလုပ်ငန်းရှင်များမှလည်း သိလိုသည်များကို မေးမြန်းခဲ့ရာ ဆန်စက်လုပ်ငန်းရှင် အသင်းဥက္ကဌ ဦးအောင်ကိုကိုဆန်းမှ ပြန်လည်ရှင်းလင်း ပြောကြားခဲ့ကြောင်း သိရှိရပါသည်။ အဆိုပါ ဆွေးနွေးပွဲသို့ စက်ကြိတ်ခွဲရောင်းချသည့် လုပ်ငန်း ရှင် (၁၅)ဦးတက်ရောက်ခဲ့ကြောင်း သိရှိရပါသည်။
DOCA(ဧရာဝတီ)