တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့နယ်တွင် စိုက်ပျိုးသည့် ဘူးသီး၊ ပဲသီး၊ သခွားသီး၊ ငရုတ်သီးစသည့်ခြံထွက်သီးနှံများ အရောင်းအဝယ်လိုက်နေသည့်အတွက်ကြောင့် ဈေးရောင်းရတာအဆင်ပြေကြောင်း သိရှိရပါသည်။ မြိတ်မြို့နယ်၊ ကျောက်ဖျာကျေးရွာအုပ်စု၊ အဒွင်းကျေးရွာမှ ဥယျာဉ်ခြံထွက်သီးနှံများဖြစ်သော ဘူးသီးတစ်လုံးလျှင်(၂၀၀၀)ကျပ်၊ သခွား သီးတစ်လုံးလျှင်(၆၀၀)ကျပ်၊ ပဲသီးအစီးကြီးတစ်စီးလျှင်(၂၀၀၀)ကျပ်ဖြင့် ရောင်းချနေကြောင်း အဒွင်းကျေးရွာရှိ ဥယျာဉ်ခြံစိုက်ပျိုးနေသူ တစ်ဦးထံမှသိရှိရပါသည်။ မနှစ်ကထက်ဈေးကောင်း နေကြောင်းလည်း သိရှိရပါသည်။ ရာသီပေါ်သီးနှံများဈေးကောင်းနေသဖြင့် ထိုင်းနိုင်ငံမှတင် သွင်းလာသော မျိုးစေ့နှင် မြေဩဇာဈေးနှုန်းလည်း ဈေးတက်နေကြောင်းလည်း တောင်သူများထံမှ သိရှိရပါသည်။ မြိတ်မြို့နယ်ရှိကျေးရွာတစ်ချို့တွင် ရာသီပေါ်သီးနှံများစိုက်ပျိုးနေသော်လည်း လုံလောက်မှုမရှိသောကြောင့် ရန်ကုန်နှင့် မော်လမြိုင်ကုန်စည်ဒိုင်များတွင်လည်း ကုန် ကားများနှင့် တင်သွင်းနေကြောင်းလည်း သိရှိရပါသည်။
DOCA(တနင်္သာရီ)